平時因為Bella鍾意食香口野， 所以好多時我都煎食物， 不過今次又來眷顧下各位大B小B， Bella媽請大家食健康版瘋薯， 全部食材簡易蒸，零油零鹽。   另外就係薯條可以比BB自己拎住食， 學下自己點醬，係最佳下午茶。 如果唔想做薯條，咁就改為薯蓉啦， 薯仔本身無味，就咁食阿囡唔多like， 加左三種醬比佢任點，最後佢連醬都食埋， 不過唔怕，D醬本身就係最天然嘅食材， 仲有，唔用薯仔用蕃薯都得嫁。   今次做左三隻醬，點解係呢三款？ 因為打開雪櫃就係見到呢堆食材， 左搭右搭又一餐， 媽媽們自己都可以發揮小宇宙整唔同嘅醬。   <BB版健康瘋薯系列> 1. 芝士西蘭花肉醬 2. 牛油果碎蛋沙律醬 2. 和風蛋黃醬   材料： 無特定份量，想做多少就多少，反正可以親子共食，醬做得多了媽媽也可以用來搽麵包。   薯仔～差不多中指長度，太長會易斷嘅，而且盡量不要用焗薯，因為太粉一拎會易散 蛋～預先烚熟，並將蛋白蛋黃分開 熟透牛油果1/3隻 芝士20克 BB紫菜一片 西蘭花一小朵 免治牛肉少許 配方奶約25～30ml   做法： 薯仔去皮切粗條。 把肉醬，西蘭花及薯條放碟上準備蒸。 *如果好似我咁一齊蒸就要分開食材，同為西蘭花同牛肉都會出水，避免沾到薯條，否則薯條太濕會斷。   2. 調好配方奶（用已熟飲用水，好似平時沖奶咁）   3. 大火蒸8分鐘，或自行留意食材是否全熟(因各人爐具火力不同）   4. 薯條盛出馬上瀝乾水放涼。     5. 牛油果去皮去核壓蓉。     6. 把已熟蛋白壓碎，混入牛油果蓉中。     7. 加入10ml配方奶混合，淋上薯條上即成。        ～ 牛油果碎蛋沙律醬瘋薯。   8. 西蘭花瀝乾水切碎。     9. 碎牛肉瀝乾水備用。   10. 煮芝士醬：把芝士放碗中，加入5～8ml配方奶 大火蒸5～8分鐘，直至芝士溶了便可。       11. 把西蘭花碎加入芝士醬，淋上薯條上，再灑上肉碎。     ～ 芝士西蘭花肉醬瘋薯   12. 蛋黃壓碎，加入10ml配方奶，淋在薯條上，之後灑上預先剪碎的紫菜。        ～和風蛋黃醬瘋薯   因為每款醬都好夠味，所以Bella好鍾意。   自己學下點醬食。     最後連醬都唔放過????   *************************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk     IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange  OH!爸媽!  MyBB.Com  香港媽咪幫  UBABY 媽媽經  親子日常