有媽媽話BB只係鍾意食飯， 見我成日整粉比Bella食， 但佢地BB又唔太啱食， 叫我做多D飯嘅食譜。 今次我做左BB版魚香茄子飯， 唔知啱吾啱各位BB胃口呢？ 其實都係有晚唸住煮魚香茄子煲同Bella爸撐枱腳， 咁Bella當然唔食得又辣又落埋酒嘅大人版啦， 所以我就撥出少少材料出來做BB版比佢。   呢個BB健康版魚香茄子飯， 由於茄子係完全無味嘅， 基於唔可以落蠔油，酒，辣椒之類的， 我就用左天然食材代替甜味：南瓜蓉， 加埋少少紅蘿蔔薄片同洋蔥增強味道， 菠菜數枝扮蔥白，又可以食下菜。 而肉碎我就用左自己磨嘅冬菇粉先醃， 至於油呢，如果不想用來炒肉， 也可以用水代替。   《BB健康版魚香茄子飯》   材料： 茄子半隻手掌大切粒 免治水展肉兩湯匙 洋蔥1/5個切碎 小菠菜3～4枝 BB紅蘿蔔半枝 南瓜一小件   做法： 1. 先把南瓜，菠菜及紅蘿蔔蒸熟。     2. 紅蘿蔔切小片，菠菜切碎備用。     3. 南瓜壓成蓉，再加入2湯匙水混合成糊狀。        4. 水滾後放入茄子煮熟，大約8分鐘， 茄子變淋，再加入洋蔥煮約3分鐘。       5. 盛出茄子及洋蔥備用。   6. 肉碎我用了自己磨的乾冬菇粉先醃一會。   7. 鑊中加少許油，放入肉碎炒熟。 （如果不想用油則改為水，用水煮熟肉碎，但留意會不會乾水，要keep住加水，或事前索性把肉碎都蒸熟）       8. 加入茄子，洋蔥，紅蘿蔔及菠菜炒勻， 喜歡的也可加入幾粒鹽。 （無需太耐因所以材料都已熟）       9. 再加入南瓜糊拌勻。       10. 最後是否需要打獻汁的步驟，可自行決定。 我用了乾冬菇粉及些許生粉水拌勻倒入打獻， 可以加多些汁比BB撈飯食， 如果唔加獻於上一個步驟也可直接拌飯食了。             《BB健康版魚香茄子飯》       ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange  OH!爸媽!  MyBB.Com  香港媽咪幫  UBABY 媽媽經  親子日常