之前在網上得知今年慶祝天后誕的青衣戲棚在5月15日至5月19日舉行，舊曆生日在天后誕的我就好奇地約了好友陪我閒逛一會=]   在青衣戲棚第一晚我就入去行，見到有即場租借餐具服務，但我本身已經自備餐盒入場，所以沒有使用呢個服務~~~     青衣戲棚內有好多小食檔，價錢大都是100蚊3樣，其實唔算平，去行只是貪氣氛夠特別而已~~~     買咗呢檔的臭豆腐（$15），買是因為香氣吸引，但食就唔夠在旺角食開果間咁有味，只可惜旺角果間賣臭豆腐的小店已經結業>.<     裡面有攤位可以讓小朋友俾錢玩遊戲~~~     講明係戲棚點會唔少得睇大戲呢個活動，相信呢個係最吸引長者欣賞的節目，在城大讀副學士時我就因為有一個學期要修讀關於粵劇的中國文化課程，所以對粵劇有一定的興趣，睇粵劇真係好花時間，因為一套帝女花都可以睇足三、四小時@.@     裡面的小食檔真的好多，部分的食物都係果幾樣~~~     在此拍照當到此一遊:P     在青衣戲棚有拜天后的位置，所以附近有買拜神用品的攤檔~~~     我就買了臭豆腐和蚵仔煎（$30），買蚵仔煎果檔見我用環保餐盒仲回返一蚊俾我:P   而好友就吃芋圓豆腐花（$25），我在同一檔買了十蚊串的炸蕃薯丸，感覺幾好食~~~     在離開前我見到在小學時代喜歡玩的喜歡的吹波糖（$15一次），呢種糖暖暖地，原來可以吹到個波而又大個指定大小可以拎走一枝糖（價值$22）。吹波波糖要有技巧，初初要用陰力慢慢吹，到個波大少少就開始用力吹，因為個波會冷卻，所以要在短時間內完成。   當時在場只有我成功，真的有點後悔沒有拍片來記錄這種得意的懷舊活動~~~     青衣戲棚地點：青衣青綠街球場（青衣街市後面，由青衣城步行要10至15分鐘才到達）   希望大家喜歡我的分享=]    以下是我們的FACEBOOK專頁連結，裡面會有一些昕昕的生活照片和不同資訊分享^^      小玉雜記   生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=W=     我的網誌~~~ Google blog theztyle blog Mybb.com blog Bkmilk blog She blog (New)     She blog (Old) Elle Blog WOW Blog WeShare 媽咪幫mamibuy U Blog 我的飲食分享：    如有任何Blogger活動邀請或試用，可以聯絡我的電郵：  mandylau55@gmail.com