今日同小JM上完堂之後順道去咗朗豪坊拜見一下Gudetama 梳乎大師。 無他嘅香港人生活壓大，成日都備受住星期一抑鬱症、不瘦降、玻璃心等都市病所困擾。 難得Gudetama 梳乎蛋化身「梳乎大師」親臨朗豪坊向粉絲傳授放鬆身心嘅秘訣， 我同小JM又點可以錯過呢個難得嘅機會呢！   只要係5月18日至6月8日期間去到朗豪坊4樓通天廣場就會有緣見到全港首間「梳乎寺」！ 不過原來要拜見Gudetama 梳乎大師都唔容易架， 必須要完成『拜師五部曲』先可以參見梳乎大師，成為入室弟子架！ 唔單止咁，梳乎大師今次仲破天荒為善信提供線上問診服務，透過法力無邊嘅Chat Bot贈醫施藥。 善信只要登入梳乎大師Facebook嘅診症室，並完成 簡單步驟，就可獲得梳乎良藥一劑，包你藥到病除咁話！   聽完簡介係咪好想知『拜師五部曲』嘅小貼士呢? 一於等我地同大家分享一下啦!   『拜師五部曲』 1.)　敲鐘 　　場內設有「梳乎鐘」，善信們一踏入「梳乎寺」第一件事就要敲響「梳乎鐘」，有助淨化心靈。 　　而旁邊嘅「祈福梳乎蛋」亦都會從旁協助，幫你祈福，祝願你少勞多得，拜師成功架！   2.)　禪修 　　梳乎大師認為「要梳乎必先要靜心放空」，所以係見梳乎大師之前都係去梳乎禪修室靜心思考一下啦！   3.)　看診 　　梳乎大師破天荒提供線上問診服務，為嘅就係打救都市病人，所以就透過法力無邊嘅Chat Bot贈醫施藥。 　　善信只要登入梳乎大師Facebook嘅「梳乎良藥」診症室，用錄音講出《梳乎心法》， 　　梳乎大師就會處方一條「梳乎藥方」俾你架啦。 　　聽聞藥方仲有成16條咁多架，仲每條都忍藏梳乎秘笈添！   4.)　抄經 　　想知道忍藏係「梳乎藥方」內嘅梳乎秘笈？最好嘅方法就緊係親手抄啦！ 　　不過來到梳乎藏經閣啦喎，智慧梳乎蛋就緊係用最梳乎方法透過印台來抄經啦！   5.)　參拜 　　順利完成晒之前四項：祈福、放空、問診及抄經之後， 　　就到咗最後一步，就係進入梳乎寺大殿參拜滿頭三文魚籽嘅梳乎大師，成為入室弟子！   我同小JM都成功咗過關啦，你仲唔快啲來？ Video分享:     活動詳情：  【Gudetama 梳乎遊記】第一章：拜見梳乎大師 日期：　2018年5月18日至6月8曰 時間：　上午11時至晚上11時 費用： 全免 地點： 朗豪坊4樓通天廣場