［點為小朋友揀岩佢地既玩具？］ 媽媽們成日有個問題： [呢樣岩唔岩玩？或者幾時岩玩?]   係分析之前首先有一樣野大家要記住⚠ 唔好比玩具上面寫既Suggest年齡框死❌❌ 拿～我唔係要你係唔係都買定先，我自己做媽媽都好明屋企又唔係幾千呎去放小朋友d玩具，下下都買定先就死得喇????????‍♀我講既係唔好因爲佢寫住3歲以上就真係3歲以上先比佢玩，寫3歲以下就過左3歲就唔俾佢玩，下面會有詳細d既解釋???????? 其實點去定義個樣玩具岩唔岩你既小朋友玩，中過幾萬次伏既豆媽都有小小心得???????? ⭐要分階段性購買 係我心目中買比粒豆既階段性只有分兩種就係： 放入口同唔放入口???? 係佢仲會放野入口既時候我會比較care個樣野會唔會比佢吞左，或者放入口有毒，如果兩樣都唔會，我就會比佢玩（例如：大舊積木，有聲既玩具，公仔）當佢冇再成日放野入口，基本上我所有玩具都唔會阻止佢 ⭐要留意小朋友對某類玩具興趣 粒豆好幸福，因為豆媽賣玩具，好多時佢都可以試玩，我可以留意到佢對某類型既玩具會更專心玩。點為之專心呢？一般小朋友既專注力會隨年紀增加，以粒豆為例，一歲半嘅小朋友最多可以專注10至15分鐘落一樣野到已經好犀利，當然有啲小朋友天生嘅專注力就較強可以專注更長時間，而粒豆對睇書、圖畫較有興趣，所以我揀玩具俾佢嘅時候，都會揀啲文字或者可以俾佢畫嘅玩具（例如畫板/硬皮書/有圖案既貼紙）呢啲都要靠時間去觀察，大家不妨有時間可以帶小朋友去玩具店玩下，從而發掘小朋友對邊類型嘅玩具較有興趣 ⭐唔好只買有教學成份既玩具 我明白作為父母都想小朋友寓學習於娛樂，所以係揀玩具嘅時候都會偏向揀有學習成份嘅玩具（例如學生字既玩具/數字計數既玩具）講真，我有時見到都覺得好正????都想買，但有學習成份嘅玩具比例唔可以太多，記住玩具本身應該係for fun唔係for learning，而且其實好多玩具睇落冇咩特別但其實都可以訓練到小朋友嘅其他感官/智力/品德嘅發展，簡單一個例子《大富翁》，其實就已經可以係遊戲入邊訓練到智力/品德/同理心/體育精神，睇唔出呢？ ⭐唔好以為買左佢唔玩就姐係唔岩 買玩具最sad最怕就係買咗返嚟小朋友掂都唔掂下，好多媽媽都同我講成日買咗返去小朋友都唔玩。我自己都好明白洗咗舊錢買玩具比佢，點知佢眼尾都唔望下，但明明佢呢個歲數就應該玩呢啲呀？到底問題喺邊度????其實除咗我哋買唔啱佢哋鍾意類型嘅玩具呢個問題之外，其實最主要係小朋友未發現果樣玩具有趣嘅地方，家長們不妨試吓玩俾小朋友睇下，等佢睇到嗰件玩具嘅趣味性，如果小朋友最後都係走咗去，大家千祈唔好氣餒住呀，試吓收埋件玩具一段時間再攞出黎，又或者由家中較年長嘅小朋友去試玩一次先或者會有意想不到嘅結果架???? （呢個係豆媽反覆測試得出來的心得） 最後，其實買玩具俾小朋友，一字記之曰：［心］ 用心去了解小朋友真正需要既玩具，而唔係人地覺得岩，你自己覺得岩佢就買，佢自己揀既就一定唔岩，了解得多d小朋友既需要，自然就會買岩既玩具，佢開心，你都開心❤ 希望少少分享可以幫到煩惱揀咩玩具比小朋友既你