我地一家都好鐘意食牛肉乾, 但出街買實在昂貴, 又唔知用料既來源, 有無人做色素，肉精，防腐劑等, 食得多始終無益. 早排爸爸買左舊雪藏牛柳返來諗住BBQ用, 點知韌到齒唔開, 但又唔想浪費左, 最後諗到不如切碎佢做牛肉乾, 果然將塊牛肉起死回生, 變成超級味道和搶手既小食.  ​ 蜜汁牛肉乾 材料:  牛肉             1磅 蜜糖            2-4湯匙 醃料:  生抽            2湯匙 魚露            1湯匙 糖                2湯匙 白胡椒粉    1/2茶匙 黑胡椒粉    1/2茶匙 糖漿            1湯匙 玫瑰露/紹興酒      1湯匙 ​ 做法:  - 牛肉先切片再切碎成免治牛肉(或叫肉檔代為攪碎) ​ - 加醃料攪勻 ​ - 用手把牛肉順時針方向搓到起膠變黏結, 大約搓5分鐘 ​ - 用保鮮紙包好牛肉, 雪藏3小時以上 ​ - 取出牛肉, 分成3份, 取一份放入食物袋中, 叠好理想的大小, 然後用桿幹薄和平至自己喜歡的厚度 ​ - 剪開膠袋, 揭開面層, 鋪上牛油紙, 然後小心翻轉另一邊, 取走膠袋 ​ ​ - 焗盤底先鋪一層鍚紙, 連牛油紙和牛肉片一同入焗以160-180度焗20分鐘左右 (視乎不同焗爐的火力, 要不時看看肉乾的情況) ​ - 約20分鐘後取出, 倒走流出的肉汁, 翻轉後塗一層蜂蜜(此時肉乾已結塊, 可安心夾起), 再放焗爐焗5分鐘(靠近發熱線), 取出. 翻轉另一邊, 塗蜜糖後同樣焗數分鐘, 直至肉乾變乾身, 即可取出放涼. ​ - 肉乾放涼後口感更好, 之後可隨喜好剪成小塊食用. ​ 做法一點也不困難, 而且較貴街外的肉乾實惠得多呢, 改以豬肉或雞肉也可. 最好選肉類帶10-20%肥, 烤完會更香口. ​ 小貼士:  - 在塗蜜糖烤的過程中可按喜好加上白芝麻粒, 亦要留心肉乾的變化, 以免焗燶.  - 喜歡甜一點可塗兩次蜜糖 - 肉乾放涼後置室温可存放數天, 放雪藏則可保存兩星期左右 - 吃時再放焗爐焗香, 味道會更好.    聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤The Ztyle❤ ❤She.com❤ ❤Beauty Exchange❤ ❤weshare❤ ❤ULifestyle❤ ❤博勢力❤ ❤esdlife❤ ❤Pixnet❤ ❤mamibuy❤ ❤ubaby❤ ❤Oh!爸媽❤ ❤ 親子日常❤