Citi 七人足球賽 可以話係每年足球界嘅盛事之一， 往年因為要返工夾唔到時間帶唔到小JM去湊熱鬧， 今年終於都可以同爸爸一齊帶小JM去Citi七人足球賽「賽事村」玩返餐飽啦!   第19屆「2018香港足球會 Citi 七人足球賽」會由5月18日至20日喺跑馬地香港足球會將會舉行！ 唔單止有足球比賽睇，場內更設有「賽事村」為大、小球迷們提供一個親子玩樂嘅好地方添！   今個星期非常之陽光普照，簡直好似夏天咁。而今日我地小JM家就係紅紅太陽下去咗Citi七人足球賽嘅「賽事村」，一於同陽光一齊玩遊戲！ 一進入會場就會即時見到一幅立體背景板同大量影相道具， 在場嘅工作人員仲會好主動幫你影相，而大會亦有註場攝影師添。 註場攝影師影完相仲會即刻印返再俾我地留念架。 （印刷需時十至十五分鐘） 影完相行前少少就會見到用餐／休息區，場內仲有大型顯示版顯示各組比賽嘅賽果添。 如果口渴或肚餓亦都可以係度買嘢食醫肚呀！ 不過今日天氣真係有啲曬，小JM爸都忍唔住要嘆返杯來坐下睇下波咁話！   醫完肚就緊係要去小JM都鍾意嘅「賽事村」FUN ZONE玩下遊戲打下卡啦！   一進場小JM就已經被雪糕車所吸引住。 每位在場人士只需要填妥問卷調查及讚好指定專頁就會得到一張換領劵。 每張換領劵可以換到一杯XTC GELATO雪糕，而且仲有四款口味可供選擇架！   食完雪糕就緊係去四周圍睇下有咩好玩啦！ 好玩推介（一）：足球挑戰賽 活動會有30秒挑戰時間，參加者需要係指定時間內爭取最佳成績。 場內嘅圖板會顯示不同顏色，綠色3分、黃色1分、紅色-1分。 完成後會根據得分獲得相應嘅Adidas 折扣Coupon。   好玩推介（二）：吹氣障礙賽 每次以兩位小朋友為一組鬥快完成整個吹氣障礙賽， 真係好考小朋友嘅體力同技巧架！ 一個唔留心就會好易被拋離架啦。   好玩推介（三）：VR體驗區 小朋友可以利用VR嘅遊戲試玩不同嘅體育運動，如足球、乒乓球等。 又係一個大招身手嘅好機會。     好玩推介（四）：面部彩繪 除咗動態嘅體驗活動之餘，其實亦有靜態嘅。 想靜靜地嘅不妨到面部彩繪區畫返個靚靚圖案呀！     睇完介紹係咪心郁郁都想去玩下呢？ 係就要快手把握機會，最後聽日咋！     賽事門票已於Ticketflap 公開發售! 單日票價 (星期六或星期日)HKD$160- 套票 (星期五至日) HKD$300 *用 Citi 信用卡訂購門票即享 6 折優惠* *凡16歲以下更可於整個賽事周免費入場*   賽事詳情及資訊: www.hksoccersevens.com Ticketflap購買門票: www.ticketflap.com/hksoccer7s2018   ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬ ♩ Ubaby Magazine。駐站Blogger  ★ 傑。斯與晴  ♪ ♫ MyBB.com。 駐站Blogger  ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯與晴（Jolie Babe。小JM の 成長印記）