Baby Gym初體驗 一開始都驚自己會唔會太怪獸 咁細個就捉個囡去上堂 但上完第1堂就發現 唔可以用上堂去形容 應該係話帶bb去playroom 活動範圍都鋪晒軟墊 玩樂設施都同playroom差唔多 固定有波波池、滑梯、彈床、平衡木等 非固定的有千秋、繩索、搖搖船等 bb去到就係玩下爬下郁下 同playroom一樣 不同之處係baby gym有miss帶住你玩     每一次的baby gym時間係1小時 每次限1大人跟bb一齊玩 可以無限換大人同bb玩 首先大家圍圈圈做熱身 大人要抱住呀b又唱又跳 小d體力都搞唔掂   跟住miss羅大型玩具出黎玩 今次羅左個大帳幕扮係怪獸 小朋友要幫手執地下的波波去喂飽隻大怪獸 波波係有彈性有突的點點 可以俾小朋友感受到唔同的質感   第3部份玩熱帶森林 有平衡船、繩索、跳圈圈 大家排隊將bb交俾miss輪住玩 平衡船：miss拖住bb行幾圈 繩索：miss捉實bb搖幾下 跳圈圈：miss秤住bb格甩底跳圈圈 （呢part miss真心累好大運動量）   第4部分玩馬戲團 有千秋同大大支平衡柱 千秋：呀b坐係度攬住個波波 平衡柱：2個miss抖住呀b 跳下跳下再落波波池（呢part真心好笑，d bb好似青蛙） 第5部分就係識朋友時間 miss羅鼓仔、琴仔、迷你波波池出黎 bb們自由發揮任玩 夠鐘後bb要幫手執番好   最後係故事時間 大家坐定定聽miss講goodbye story 就散場   呢一個鐘過得十分多姿多彩 置身其中你會覺得好累 做足一個鐘帶氧運動 因為我個囡爬都未識爬 全程要抱住玩   花生友就覺得好正好開心 （中途我休息，睇住佢地玩覺得好似睇show咁）   其實以上的內容 大家係屋企都可以複製到 可以上youtube打baby gym at home就搵到 大家係屋企可以邊睇片邊同bb一齊做 但大家一齊玩就開心d bb又可接觸下其他bb 但個人唔建議太細個去 baby gym話6個月就可以去 但我覺得最好就識行先去 咁樣bb參與程度先高 好似圈圈咁就真係太細個 全班得佢一個連爬都唔識 變相係 parent gym 唔係 baby gym