有一日, 忽然間好想好想飲西湯..... 就煲咗我最愛ge忌廉蘑菇湯~ 咁.... 有咁多菇, 又咁多洋蔥, 拎小小出來煮個蘑菇飯比米豬食啦~ 切洋蔥切到幾殼眼淚呀仔~ 今次煲冇雞湯冇鹽version, 米豬都飲咗小小~ 好似好鐘意咁~ 梗係啦~ 媽媽最愛呀~ 講返米豬個BB飯先~ 材料: 免治牛肉 3湯匙 蘑菇/雜菇碎 2湯匙 洋蔥碎 1.5湯匙 調味: Lemon pepper 小量 做法: 1. 小小油炒香洋蔥碎後, 加牛肉碎一齊炒, 落小小lemon pepper一齊炒 2. 牛肉完全轉色後, 落蘑菇碎一齊炒 3. 蘑菇碎會出水, 炒到小小縮細咗之後加麵粉1茶匙快炒 4. 之後加1湯匙水再兜到收水 5. 倒晒落差唔多煲好ge飯度撈勻佢, 到飯熟就食得 6. 飯熟時已經索晒蘑菇同牛肉汁香味~ 超正喔~ 米豬對於呢個新飯都幾新奇wo~~ 繼續學畢飯中..... 媽媽頭頂經常有飯.... 都幾好味呀~ 我食晒成碗呀~!! 手指0個d都唔放過~! 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/