睇到呢set咁色彩繽紛圖案又得意嘅BB零食， 連我都覺得好開心， 就連佢地官網嘅介紹都好似睇卡通片咁， 最初我都同大家一樣， 只見到包裝又Paws又Claws， 到底係D咩呢？？ 原來係比BB食嘅水果乾小食， 牌子係英國Bear Nibbles， 喺英國嘅銷情聽講唔錯， 最近黎左本土市場， 又睇下Bella對佢有無興趣先！   未比Bella食前我自己先做白老鼠， 之前都分唔清到底呢堆野每包每款有何分別？！ 佢有三個系列： 包括Paws，Claws，YoYo 每樣都拆開之後， 先發現原來會地都係一樣嫁， 只不過係形狀同口味不同而已。 佢地係一片片嘅天然水果乾， 堅稱用100%水果蔬菜來製造， 無加任何糖份，仲寫明 “absolutely nothing else， nevet from concentrates”。   而PAWS，每片就係動物嘅腳板圖形， 我手上就有四個唔同味道。   CLAWS呢，一盒就有五小包， 形狀係拆散左嘅怪獸身體部位， 可以比小朋友任意砌返隻monster出來， 呢D玩意D鬼仔真係好鍾意! 至於YoYo就令我更驚訝， 原來係兩卷水果乾， 仲有一張公仔知識卡比小朋友集郵， 拉長返條水果乾黎食， 勾起哂我細個食蛇形軟糖嘅回憶， 佢仲有好多種口味！   至於味道如何？ 我第一個反應覺得： 佢就係鬼佬版嘅生渣餅無誤， 不過大家留意返， 生渣餅成份及製造方法， 對我黎講係一個迷， 而Bear Nibbles就有資料參考， 12個月大以上可以食， 水果乾都係甜嘅，但屬於水果嘅天然甜。   甜野Bella就梗係200%接受啦， 未知原來可以食之前仲好鬼開心， 以為有新玩具玩， 有時我間唔中外帶一包出去， 比包佢逐粒claws執黎食， 可以坐定定好耐~   黎緊5月31日至6月13日， 荔枝角，康山，九龍城，屯門， Megabox 既Aeon BB節都會有得賣， 有興趣嘅媽媽可以去睇下。   http://www.bearnibbles.co.uk/     ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange  OH!爸媽!  MyBB.Com  香港媽咪幫  UBABY 媽媽經  親子日常