大家都知道和牛媽媽好鍾意帶和牛B四圍去玩，四圍去搵好玩嘅地方。 今次我哋唔去大商場嘅兒童遊戲室，選擇嚟到工廈。   工廈嘅Party Room，相信大家都知道有唔少。 但好多都係要湊夠腳先可以包個場嚟玩，但係平日仲要咁即興之下，點會湊夠腳去玩呢?   幾經辛苦，終於俾我搵到一個工廈兒童遊戲室係平日有散場之餘，仲要係一人一細都可以入場玩。     我今次想介紹嘅係CAY Party Room，有1000呎波波池、3米長嘅滑梯、仲有車仔、搖馬、彈床等。仲有獨立嘅房間，可以俾你同朋友開個小型Party或者休息。     一出升降機往右行就會見到一幅綠色牆大大隻字「CAY」。     行過少少就會見到511室，CAY Party Room散場嘅入口。     入場除咗鞋，用消毒搓手液搓完手仔，放好鞋同袋之後，就可以馬上去玩啦!!     藍、白、黃色嘅波波池海。     嚟到當然要馬上玩3米長嘅三色滑梯啦!!!       波波池上面仲有兩大樣充氣設施，小朋友可以企上去玩~ 好似玩滑浪咁!!     仲有充氣彈床添呀~~     和牛B除咗鍾意波波池之外，仲好鍾意玩彈床! 彈到無晒影呀!!     波波池入面，仲有一啲得意嘅小玩意。     池外仲有數架車仔、同埋搖馬。       獨立房間 場內分別有3間細房及1間大Party房，職員安排咗一間房俾我，我可以將背包放入房入面。     房入面都有玩具，有一座木製嘅廚房玩具，而配件都好齊全。     ^和牛B話煮嘢俾我食，叫我坐定定等食，佢仲排好晒啲碟派食物。   房入面仲有好多小童櫈仔，有電視、仲有豆袋梳化~ 玩到攰，就喺房入面懶懶閒嘆茶點。     場內設施 獨立鞋櫃，客人入場之後，除好鞋就可以放入獨立鞋櫃入面。 但係要記住自己放咗入幾多號鞋櫃呀~     場內設有男/ 女洗手間，門口擺放小童及成人拖鞋。進入廁所前，可穿著拖鞋進入。 洗手間入面都有小樓梯方便小童企上去洗手，洗手盤仲有水喉輔助器，方便小朋友洗手，超窩心呢!     洗手間對出仲有一個換片台。     同埋場內仲有提供免費wifi服務~~     <平日散場收費>  A時段: 12-2pm: 成人$60/位，小童$40/位  B時段: 2-4pm: 成人$70/位，小童$50/位  C時段: 4-6pm: 成人$60/位，小童$40/位  - 半日通(2節連續時段): 成人$90/位，小童$60/位  - 全日通: 成人$110/位，小童$70/位  - 月票通: $1,800 (包1位大人及1位小童)  *星期一至五，不包括星期六、日及公眾假期    <星期六、日及公眾假期散場收費>  A時段: 12-3pm: 成人$168/位，小童$84/位  B時段: 3:30-6:30pm: 成人$168/位，小童$84/位  C時段: 7-10pm: 成人$198/位，小童$99/位  *免費飲任指定飲品   **小童價錢，只適用於8歲以下  ***2歲以下免費   另設包場服務詳情請參閱 CAY Party Room網站。   雖然平日設有散場，不過都建議出發前先 Whatsapp (5333 5853)詢問咗先。   CAY Party Room定時都會見到佢哋喺Facebook要直播，大清洗波波池嘅波。 所以，我都好放心俾和牛B去玩。     CAY Party Room @ 觀塘     查詢：5335 5853 地址：九龍觀塘開源道55號開聯工業中心B座5樓 (511 & 508) https://www.facebook.com/caypartyroom/ https://caypartyroom.com/   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。