期待已久嘅藍天白雲返嚟喇，有新戶外遊樂場唔係唔去啊? 仲要有草地野餐，又冇蚊咬，吹下海風咁爽，一定要去放低幾條腳毛! 行程推介： 路線：中西區海濱長廊  西環一田超市(過冷河)  晚餐 (推介臻點心)  電車遊 中環光影遊樂園 (金鐘天馬公園入口)  返屋企 第一站: 中西區海濱長廊 遊樂場平面圖: 4月尾先開幕嘅中西區海濱長廊海中心公園，座落經活化後嘅副食品市場碼頭，毗斴西環天空之鏡同屈地街電車廠 公園以海洋船景做主題，維港靚景做background 一邊望住個大海一邊玩，心靈夠晒治癒! 小朋友玩夠可以去另一邊碼頭茸地休息野餐, 爸爸就可以垂釣，一家大細都啱玩! ((溫馨提示: 唔想曬得太勁，最好下午5-6點先去; BB去都啱，有育嬰間架!)   第二站: 西環一田 玩完中西區最新戶外遊樂場，小朋友仲未玩夠? 咁緊係去埋期間限定嘅中環光影遊樂園啦，只開3晚喳! 趁佢未開燈去食飯充下電，今次揀左西環一田旁邊一間食點心嘅餐廳 ─ 臻點心! $148一個餐，一個飯三個點心兩個甜品，2大人2小朋友都夠晒飽，抵食!!   第三站: 中環光影遊樂園 食飽就係商場旁邊搭叮叮去天馬公園，未去到入口已經people mountain people sea，心都怯一怯 入到去眼前一亮，每一個燈光玩兒真心靚，莫講話小朋友，大人見到都想玩埋一份   最like就係光影搖搖板同舞池，玩到個個都出晒汗，最可惜係呢個光影遊樂園只開3日(5月18-20日)，想encore都冇機會! 今日真係實行去玩去到盡!!