芝麻每次食飯都要自己用匙羹食，雖然有時都會食到周圍都係，好似打仗咁，食完後清潔係真係好頭痛，但我認為都係一個學習過程，所以我都會由佢自己食，當然係需要輔助下佢，其實喺日常生活基本上唔係危險嘅嘢我都會由得佢去探索同嘗試。 芝麻好鍾意食野，今日午餐整左南瓜雞肉菇洋蔥飯佢食，一如以往一見到碗飯就心急扭要食，但因為啱啱煮起太熱喇，所以我會用部風扇仔對住碗飯吹，極速降温又唔洗用口吹噴哂啲口水落去，好多細菌架嘛。 呢個碗好好用架，係Boon出嘅，果一大塊野係接住跌落黎嘅食物，唔洗跌到周圍都係，碗底又有吸盤可以吸實喺枱，碗嘅邊沿有少少孤度，防止‘不’飯時跌出碗外面，但我個人認為作用不大，即使Calibowl都係，咁當然或多或少都有小小小小幫助嘅。 呢款匙羹叉係真係好好用，因為芝麻啱啱學識自己餵食冇耐咋，所以呢款曲型設計係非常適合學習自己食飯嘅小朋友。佢地未識控制手腕角度餵食，如果用呢種曲型餐具小朋友一‘不’起食物就可以直接放入口食，平時我地用開嘅直羹對佢地黎講難度係高左啲。