日日都30幾度, 熱死人喇........... 上星期六爸爸放假, 屋苑個泳池又開咗, 梗係去游水水啦~!!! 上年只係用過2次就收咗入籠底ge水泡又出動嚕~~~ 收得太好, 差d以為唔見咗, 原來同個籠底溶為一體...... 嚇C我......   呢排出犬齒, 一食手就幾隻咁食...... 唯有勤力d同你抹手仔啦~ 有最愛ge鴨鴨一齊去游水水~~~   泳池唔比影相, 等我講吓發生咗咩事先~~~ 有人變咗八爪魚呀~~~ XDDDD 一開始時只係爸爸抱住米豬落水, 媽媽我就响傘下吹水泡同等防晒work (美白防晒很重要!!) 到我拎埋個水泡落水時, 米豬就係咁媽媽媽媽媽ToT再成隻八爪魚咁吸實我個身XDD 中間都有嘗試過笠佢落個水泡度, 但當然即刻崩潰爆喊啦~ 嗚爸爸媽媽做乜唔抱住我, 好驚驚呀!!! 連隔離游緊, 唔識ge哥哥(2歲3個月)都話借個魚魚水泡比BB等佢唔好喊喊, 好有愛呀~~~  結果玩咗半個鐘就走人嚕~~ 淆底米~ 又要驚, 但望住人地玩又响度唔想走咁 游完水要入商場, 笠返住先~~ 可愛到好想咬你一啖呀~~~   唔知係咪太驚驚, 米豬呢日唔訓晏覺.......... 囧" 爸爸媽媽攰到想屎啊..............    可能個水泡cool住米豬唔鐘意, 於是乎我地就由個水泡响廳, 等佢習慣見到水泡, 習慣咗之後, 咪同你著吓囉~~~ 都幾安全咁ga講真~ 不枉我買咗2百幾蚊~!! 希望你鐘意游水水啦~~ 興趣班嚟講, 媽媽我係絕對只會迫你學游水, 因為係求生技能呀~~~ 你可以琴棋書畫咩都唔識, 但游水一定要識呀知冇? 唔好好似媽媽咁咋咋豬唔識游水呀~!! 日日都著一陣, 而家見到個水泡唔驚喇~ 仲主動拎嚟要笠住呀~ 呢個look真係好搞笑XDD   到咗佛誕, 我地又去挑戰游泳池~~ 好興奮要著住個水泡唔除ge米豬豬~   好威威咁, 著住個水泡去泳池 成個商場都知你去游水喇~~~   今次2個一齊陪米豬落水, 先去BB池試吓水溫先~ 都係變咗八爪魚呀~~~ XDD 米豬夠高企响度, 只要附近有哥哥姐姐郁, 有小小水動米豬就成個拋郁, 又淆底仔XD 玩咗5分鐘就決定...... 過大池啦~!!! 索性唔好掂到地~!!!   落咗大池又驚驚咗一陣, 我同爸爸輪流拖住佢個水泡响泳池度來回, 今次ok na~~~ 仲開始踢水水tim呀~~~ 玩咗成9個字都唔多願走 (但媽媽好想閃呀...... 11點半ge太陽呀...... 咩斑都晒埋出來啦.......) 計落返去仲要煲飯比米豬食, 唔理喇~ 閃人啦~ 起碼今次係個好開始~~~   換完衫衫都好開心咁望返泳池, 睇d哥哥姐姐玩水 問米豬下次仲嚟唔嚟游水, 仲大大力點頭tim呀~~~ 見到你個開心笑笑樣, 晒燶媽媽都抵啦~~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/