豆少係一個小車迷，鐡道迷～記得幾個月前帶豆少去過東京嘅大宮鐡道博物館，豆少就成日提起楂過小火車～所以今趟旅行，豆媽再努力收集資料，原來響西東京嘅日野市亦有鐵路樂園，叫做Keio- Rail Land京王鐵路樂園~ 重溫大宮博物館資訊：大宮博物館 <Keio- Rail Land>, 由京王電鐵營運～網上見到園區內有火車展覧，有小火車駕駛體驗同埋有波波池，非常適合快三歳嘅小豆兒～ <交通> 京王線「多摩動物公園」站出站即到～當日我地從八王子自駕出發，約40-50分鐘到達～ <開放及收費> 每日09:30-17:30，逢星期三休館～入塲費3歲以上每位250yen～ <設施> 樂園室內兩層，再加室外部份～ 先介紹室內一樓，大門位置會見到售票機～售票機同響日本嘅火車售票機一樣～3歳以上250yen一個，非常抵玩～ 一入場會見到右邊展示一輛大巴士，豆少即衝上車做司機叔叔～ 左邊就有火車模型區～可以付100yen嘗試做火車車長～ 再行前有另一架火車展示，小豆又係衝去做車長～ 旁邊有影相區～ 另一邊又有火車駕駛體驗～300yen一次 接著就跟豆少上2樓啦～ 2樓係豆少嘅天地～因為有波波池同Tomica 火車遊戲區～ 波波池，每個小朋友嘅至愛～ 而Tomica遊戲區，先攞籌，於指定時間返去就可以玩一小時～值得一讚係，呢個遊戲區有人數限制，而且需要小朋友執拾好才能離開，感覺更有規律～ 2樓另外仲有一個休息區，有汽水機，零食機～當日不少家長響度休息～ 至於室外部分～一進場就見到幾架展覽火車～規模比大宮博物館細嘅，只有三四輛火車～ 室外部分仲有駕駛小火車體驗～100yen一回～買左車票比叔叔打孔～ 豆少響火車上~佢表示好開心～ 整體呢個鐵路樂園感覺良好～雖然空間較細，但設備完善～而且入場門票超值，值得推介比帶小小朋友來放電～ <資訊> Keio Rail Land 交通：京王線 多摩動物公園駅下車すぐ 住所：東京都日野市程久保3-36-39 電話番号：042-593-3526 網站：http://www.keio-rail-land.jp/