之前計劃到軽井沢~上網一大堆資料都係去舊軽井沢，雲場池，軽井沢敎堂，軽井沢王子outlet......搵左好耐都無咩啱豆哥去玩嘅地方～ 率之出發前一個禮拜～無意中上網見到有人提及呢個軽井沢兒童樂園～而且呢個樂園無咩外國人士去，加上響個網站上見到圖下呢架火車～我知道個仔實開心到暈～所以隨即列入行程表上~ 《交通》 樂園位於群馬縣～自駕嘅話響JR 軽井沢站出發大約30分鐘就會到～ 網站亦提供左交通嘅資料～即使非自駕，樂園亦會提供JR軽井沢站嘅迎送服務（不過當日無見到有人用呢個服務）   《入場費》～分兩款 （1）入場卷(成人料金1100yen兩歳以上小童800yen)，另遊戲續個計 （2）入場券加任玩遊戲套票（成人3000yen兩歲以上小童2800yen) 由於我地當日仲有其他行程～純粹俾豆哥放放電～所以我地只買入場卷～ 《設施》 <紅區>係露天遊樂場：豆仔其實只玩左一個揸火車遊戲，收費(一大一小1000yen)~原因係遊戲費幾貴～ 圖下為網上相片 <橙區>係室內兒童部屋：簡單黎講即係有好多間房～有唔同類型嘅玩具任玩～眼見有LEGO，森林家族，芭比等等～而豆仔～只逗留左佢至愛嘅部屋內～Tomica <綠區>大冒險之森區：網站見係玩野外活動～個人認為遊戲比較適合大少少嘅小朋友，所以無去，其實都無時間去～豆仔要瞓晏覺了～ 《飲食及購物》 園內有餐廳～感覺似food court~ 豆仔個兒童餐好吸引～食左好多～另外，個人認為園內有幾款《軽井沢おもちゃ王国》地區限定Tomica 車車好正～好後悔無買～個刻好聽老公話，一離開就好後悔～有儲開嘅朋友唔好錯過啊！   《資訊》 軽井沢おもちゃ王国 〒377-1512　群馬県吾妻郡嬬恋村大前細原2277 TEL：0279-86-3515 http://www.omochaoukoku.com/karuizawa/sp/index.html