之前見過網上一張芝櫻相片，就決定今年要去東京走一走，看看富士山下配上滿地粉紅芝櫻嘅美麗畫面～ 每年4月中到5月尾，緊接櫻花上場就係愈來愈人氣嘅芝櫻了（其實到達時芝櫻還未滿開） 關東地區睇芝櫻嘅地方主要有3個，第一個係響東京以北，歷史最悠久嘅秩父「芝櫻之丘」、另一個係東京以西嘅河口湖，以富士山做背景，人氣最高嘅「富士芝桜まつり」、最後一個規模雖然不及前者，位於千葉縣嘅「東京德國村芝桜まつり」～ 今次旅行日期為4月尾，分別去左河口湖同東京德國村嘅芝櫻祭～原本以為兩者嘅開花狀況會差唔多，去到先發現當河口湖嘅花開滿4至5成，德國村嘅花期原來響4月中已過～ <收費> 2018年芝櫻祭由4月14到5月27日舉行，入場費為600yen, 3歲以下免費～另外停車場收費為500Yen~ <交通> 由新宿坐高速巴士或富士急行線(大月轉JR)到達河口湖，車程約2小時，之後再轉乘會場專用接駁專車芝櫻Liner約30分鐘可直達會場~來回程連入場的收費為2000yen~ 另外亦有由新宿開出直通會場嘅高速巴士，單程2200yen~ 交通資訊：http://www.shibazakura.jp/sp/chs/access/index.html <有咩睇？> 富士芝櫻祭會場地圖 進入會場後跟著人群走就對，其實都唔需要看地圖，因為園區唔算大～圖中個湖係竜神池～ 湖景配芝櫻算係經典場景～天氣好，現場真係非常之靚～  小朋友都好開心～  以下呢張相係響觀景台影下來～芝櫻開花狀況只有4到5成～  粉紅色嘅芝櫻開得密密麻麻，好似花毯般緊貼響地面上～ <有咩食？> 芝櫻祭期間，現場同時會舉行有「富士美食嘉年華」美食區都有不少選擇～當日試左士多啤梨大福，櫻花團子同埋桃綠茶，每樣都各有特色，好好味啊～    豆少食士多啤梨大福食得津津有味～ <資訊> 富士芝櫻季地址:  日本山梨県南都留郡富士河口湖町本栖212 網站：http://www.shibazakura.jp/chs/