自從帶豆少去旅行～出發前我呢位媽媽例必會搵幾個景點俾佢玩玩～務求要佢覺得好開心，愛上旅行～最重要俾佢放放電，上車後可以訓個靚晏覺～ 其實東京或近郊都有好多唔同種類嘅地方好適合親子遊～由於豆少係個車迷，鉄道迷～就搵左個博物館俾佢玩玩～ <大宮博物館>網上搵過資料，見到有小火車玩～適合豆少年紀，而且價錢便宜，就列入行程表內 <交通> 從東京或上野出發，JR上越新幹線先到大宮駅，再搭乘New shuttleニューシャトル，一個站「鉄道博物館(大成)駅」落車（網上資料顯示大約30分鐘） 今次我地自駕～上一站係入間市三井outlet~揸車去大宮都需要45分鐘車程，博物館旁有停車塲～ 下圖係博物館站門口～一出就係博物館好方便，另外旁邊有自助售票機～    <票價> 成人1000yen, 3歳以下豆仔免費～ <有咩玩?> 火車展覧區~ 好多架已退役嘅火車展覧～豆哥見到好開心～其實呢part鐘意睇火車嘅爸爸都好開心~ 火車模型區~ 日本人真係好厲害～呢個模型城市真係好靚，任何一部份都好真實，豆仔同爸爸睇到呆左~    兒童廣場區～ 其實即係Tomica 火車任玩區～豆哥又係一見到自動自覺除鞋衝入去~    戶外小火車~ 呢個小火車好抵玩，200yen 一架車，一家三口只係200yen~首先要去counter 拎整理卷，上面寫左一個時段（半小時）只要響呢個時段返嚟玩就可以，唔駛排隊~豆仔揸火車好開心，仲周圍Say Hi~     戶外區仲有另一架小火車乘，不過只可做乘客，車程大約5分鐘～重點:免費    展覽館～ 其實仲有好多展覽室，又有科學室仲有戶外遊樂場~（圖下為網上圖片） 購物～ 其實個人認為無咩特別～價格亦係正常   資料～ 大宮博物館 http://www.railway-museum.jp/ 【所在地】〒330-0852　埼玉県さいたま市大宮区大成町3丁目47番