13m 記得心怡6個月可以坐穩嘅時候，曾決心行BLW，盡管屋企人唔理解唔贊成，但知道blw對bb各方面發展都好好，都想試一試。 在blw前同期間，每日都好似著左魔咁不停搵blw嘅資料包括急救。入左blw group, 見到好多媽媽嘅分享同經驗，又有谷主耐心解答疑問，其他谷友又會發放正能量，支持我呢種迷茫小羔羊，令我覺得並不孤單！ 每日都好期待晚餐同心怡一齊食，諗下整D咩食物俾佢試好。 買左BLW入門嘅實用架餐，等我數下先，分別有: SEAT COVER MAT、EZPZ矽膠防滑餐碗、Summer 桌墊、AVENT食物處理器(蒸熟食物好方便)、包晒上身嘅口水堅、感溫匙、外出餐碗。 試行左1個月，體重無明顯下降，對食物更加感興趣，講真，我覺得心怡適應到，亦都可以訓練佢眼力手指仔嘅協調性，同埋最緊要嘅係學習獨立自己坐定定食。當時都有個目標，希望可以同到心怡去食BUFFET!! 哈哈!! 行BLW的苦與樂，依家回想起都會心微笑。比較"痛苦"嘅係 --> 要盡量夾岩佢D飲食時間，盡量可以同到大人一齊開餐，因為唔可以太肚餓同太攰時進行，怕佢太心急。 --> 開餐前都要做一輪準備功夫，首先係要搬開HIGH CHAIR附近雜物，怕陣間D食物飛到周圍係； --> 用SEAT COVER MAT，我屋企人稱之為"太空罩"，盡量希望D食物唔好飛得太遠同唔好跌落地.... --> 同佢著上保護衣物，我鐘意用連雙手都保護到, 肚腩仔又有個兜嘅.... 都係嗰樣啦, 希望陣間做清潔會容易D快D.. --> 將個碗放喺佢面前，開始要不停洗佢腦講"要咬咬咬"同時要做埋個好誇張嘅嘴嚼動作, 等佢模仿 --> 一眼關七咁留意佢有無放太多食物/ 咬得太多舊，GAG得緊要要隨時有做急救嘅意識  (可能係我起步階段，真係好緊張，心血少D都唔掂，但要控制自己要對心怡有信心，嘴嚼係天性) --> 當佢未可以好好控制手仔，玩下食物，掉下食物，呢頭對手揸完蕃薯，嗰頭R落個頭度..... 要忍手唔好做清潔, 同埋唔可以表現唔高興或煩厭   當一餐BLW食到有6-8條長通粉又無GAG嘅MAGIC MOMENT: --> 真係開心到嗌左出黎, 嗰種感動... 太奇妙 --> 心怡嘅晚餐不在孤伶伶食，等佢感受下一家人圍枱食飯嘅溫馨 --> 當佢完成嘗試，要俾多D鼓勵佢繼續 --> 佢對食物更感興趣，亦可以食到唔同食物原有嘅口感 --> 烹調真係方便左，唔需要將所有材料切碎同BLAND爛，慳唔少功夫!! --> 已經唔再在乎頭髮痴住幾多食物, 地下有幾多殘渣, HIGH CHAIR周圍都有污糟...... 只係望住佢食得開心，滿足個樣!! --> 更加有推動力去行BLW --> 希望證明俾屋企人睇BLW的好處，只求盡量理解我嘅用心 --> 證明BB嘅學習能力不容忽視!! **其實上面嘅痛苦, 只係好開頭未習慣時先咁... 試多幾餐就會變成習慣，最重要嘅係過程，心怡每分鐘都努力嘗試一D一D咁進步同掌握到個技巧，手眼嘴慢慢協調得愈黎愈好,  呢個先係最重要!! 開始行BLW第一日 數唔數到有無一碗飯? 唔係最嚴重 心怡的BLW     好可惜, 好可惜, 真係好可惜....... 後來因為要麻煩婆婆湊，婆婆無把握怕佢啃親，spoon feed左幾日粥仔。生疏左嘴嚼，試過俾紅蘿蔔佢，已經懶咬想照吞。怕佢2樣夾雜住會仲危險，忍痛停左blw。 其實BLW值得普及同推行，等多D家長理解當中嘅好處，同化解對GAG嘅恐懼。   未夠12M已經想學用餐具 早幾個月，心怡開始對餐具感興趣，模仿大人「筆」飯，之後開始俾佢自己學「筆」。慢慢佢筆到又食到，好有成功感，連佢自己都拍手讚自己叻叻！雖然都仲係會食到周圍係，無啦啦又會用手研究下D食物咩質地，都仲係要開餐前拎定晒D乾濕紙巾，鉸剪餐具，方圓十米唔可以放太多物件以防佢快手一掃!!   但阿媽我都好開心，出街食飯可以有一段時間坐定定自己食！睇黎好快可以去舒服食BUFFET喇!!!!!(幻想ING + 期待ING....)