沖繩有好多適合小朋友嘅景點～今年5月帶豆少去咗一轉～發現有個動物園幾適合年紀較小嘅小朋友～因為有個Petting Area，小朋友可嘗試近距離接觸小動物～ 動物園叫《沖縄こどもの国》Okinawa Zoo & Museum～ <位置> 位於沖繩市，由Aeon mall Rycom自駕過去只係10分鐘車程，由美國村去亦只係20分鐘左右～有免費停車場 <營業時間,入場券> 夏季9:30-18:00 冬季9:30-17:30 逢星期二休館～ 成人：500yen, 3歲以下免費 另外～園內仲有個神奇博物館，其實係類似科學館，內有小遊戲～費用只係200yen <設施> 今次主要去動物園區域睇動物～另外一區係大魚池，湖邊可以買糧餵魚同天鵝～     我地5月中淡季去冲繩~所以唔算好多人～一入場仲以為個動物園好冷清~ 呢個小朋友知道去左動物園覺得好開心    豆少見到動物好有新鮮感....不斷話：Ovl, Monkey, Bird, Kangaroo ..... 仲有Giraffe, Elephant..... 之後行到餵食區~  先跟隔離個哥哥學習洗洗手～  去到餵食區，豆仔近距離見到好多小動物即刻好興奮～阿媽仲以為佢唔夠膽摸，點之佢周圍睇周圍摸～好開心呀！          餵食區嘅小動物有兔仔，雞仔，龜，天竺鼠同山羊~ 呢個提供嘅飼料係草同蘿蔔條，100yen 大約有5-6條～呢個區域真係好吸引小朋友，個個見到都會衝埋去摸，好開心～我地响度都逗留左差唔多一個鐘～ 最後我地去埋兒童遊戲設施區，設施需要獨立收費，100-300yen~豆少亦好開心~    雖然呢個動物園唔算大，亦比較舊～但只係幾佰円可以俾小朋友親親小動物，其實都幾值得～尢其係餵食區，小朋友可以近距離同動物接觸，我認為係日本動物園最好玩嘅其中一部分～ <資料> 沖繩兒童王國 Okinawa Zoo & Musuem 地址：904-0021沖繩縣沖繩市胡屋５丁目７, 胡屋5-7-1 電話：098-933-4190 網站： http://www.kodomo.city.okinawa.okinawa.jp