《上高地》有人稱日本秘境～呢度嘅美景一直吸引住我好想去見識一下，之前買左東京平機票～plan 行程時唔想再去東京都內嘅地方～加上豆仔未試過健行，所以就膽粗粗計劃呢次健行旅程～   上高地～我認為非常適合帶小朋友來親親一下大自然～呢度有多條健行路線選擇～而且全程平路，容易又安全～ <簡介> 上高地～位於日本長野縣，屬松本市管轄，亦係日本中部北阿爾卑斯國家公園嘅一部份，呢度係一個風景優美嘅健行登山好地方～ 上高地同立山黑部一樣，因積雪關係會響每年11月到隔年4月封山～所以遊客只能夠響春夏秋季嘅開放時間到訪～當中應該係10月份滿山紅葉最為漂亮～ 今次我地就響10月頭到訪～已經開始見到紅葉～雖然未係滿山紅葉，但感恩當日天氣晴朗～非常適合健行啊！ 上高地主要景點有大正池、田代池、田代橋、河童橋、明神池及明神橋，而最受歡迎嘅健行路線係由大正池至河童橋一段（網上資料顯示大約行1時） <交通> 1)自駕遊 上高地一帶為保育區，所有私家車禁止進出，自駕遊嘅遊客必須響進入上高地之前將車停放在沢渡或平湯區域停車場，然後再轉搭接駁公車～ 我地今次由松本前往，所以就自駕將架車泊響沢渡轉接駁公車～若果響高山前往，建議可將車停泊響平湯一帶～ <沢渡駐車場到上高地公車時間表> http://www.kamikochi.or.jp/access/bus-timetable_4/ <平湯駐車場到上高地公車時間表> http://www.kamikochi.or.jp/access/bus-timetable_5/ 2)非自駕 松本往返上高地的巴士一天有兩班直達車～直接由松本巴士站前往上高地 如果不執著於直達車，可先由松本坐電車到新島々站再轉乘公車～ <松本公車時間表> http://www.kamikochi.or.jp/access/bus-timetable_1/ 除了從松本出發以外，其實東京、大阪、名古屋等方面都有高速巴士直達上高地。東京嘅巴士從新宿出發，早上七點多發車，中午抵達上高地。不過就要坐將近五小時嘅長途巴士，若時間足夠，建議先選擇響松本住一晚再出發～ 東京往返上高地公車時間表及預約 https://highway-buses.jp/chi/course/kamikochi.php <健行路缐> 由於帶住豆少～加上佢第一次健行～我哋決定輕鬆為主～我地坐接駁車到大正池落車，之後健行到河童橋食午餐再坐接駁車離開～ 當日around 8am, 自駕從松本先前往沢渡～差唔多用左50分鐘～一到步就見到巴士站有人排隊等候～車站旁有幾個大駐車場，全日泊600yen~ 車好準時到站～發現90%係日本人～車費好似2050yen來回~車程大約30分鐘～我地坐0840 分車出發～到尾站已經full曬～沿途會入隧道，之後就會到上高地保育區～ 進入保育區第一個站係大正池～大部分旅客都會響呢度落車作為健行起點～其實呢日天氣好好，不過就大霧咗少少，遺憾睇唔到大正池嘅倒影美景～網上資料顯示～想拍大正池倒影最好時機係清晨～ 之後我們沿著健行路線往河童橋方向進發沿途風景優美～呢個小朋友十分享受健行啊！行左一陣就到達田代橋～  田代橋係一個拍攝穗高連峰及梓川美景嘅絕佳地點～天氣好，兩旁風景好靚～過左田代橋沿著梓川右岸繼續前進～之後落左石灘玩       個小朋友好開心～  玩完之後再前行，就見到呢個靚景～網上資料話呢度嘅樹叫落羽松   行左差不多兩個鐘～終於到達我地嘅終點 ～河童橋～ 河童橋係上高地中最熱鬧嘅地點～商鋪，餐廳，旅館，巴士總站都集中於此～我地行健行完畢，到左河童食店二樓食午餐，記得選擇唔算多，價錢適中～  圖中係山賊豬扒定食同親子丼定食    對住河童橋午餐~ 食飽飽後～前往巴士站離開～ 沿途日本妹姐姐不斷話豆少kawaii ~ 仲一齊合照    回程坐返接駁車返回沢渡取車，是日活動完結～豆少一上車即瞓～   ◤上高地◢ 地址：長野県松本市安曇上高地 電話：0263-95-2606（上高地ビジターセンター KAMIKOCHI VISITOR CENTER）   官網：http://www.kamikochi.or.jp/chinese_trad/