俗語有話, 沒有醜女人, 只有懶女人, 做全職媽媽ge我, 都唔會容許自己變黃面婆~!!  雖然做全職媽媽真係好攰, 冇時停, 而且經常精神緊繃, 理智斷線, 但係我都唔會放棄自己ga~!!! 一向護膚我都係分日同夜, 間唔中敷吓mask咁, 不過湊埋隻米豬豬, 日頭ge護膚step已經變成最簡短..... 洗面 toner cream 洗面仲要係一吱就出ge潔面泡泡, 連起泡ge時間都慳返(因為一路洗面其實係有觀眾响後面媽媽媽媽媽)  toner我用呢隻~~ 平靚正~ 勁潤~~~ 好快吸收晒就可以搽面面 呢個cream有埋spf 50+, 有時就咁搽完唔出街ge話, 都唔駛另外再補防晒~  不過而家略嫌個洗面泡泡有小小偏乾, 大家有冇其他好介紹?   夜晚, 吼米豬訓咗, 梗係要補補佢啦~!!!!! 洗面 toner 其他cream*3 night cream 再加枝Q10 cream...... Q10同night cream有shift住用ge, 因為2樣搽晒有點立~   夜晚有好充裕ge時間可以逐樣慢慢搽慢慢拍, 所以連洗面都可以用返膏~ 加埋起泡網好快就好多泡泡~ sofina呢隻洗面膏我做女用到而家嚕~~~ 洗完唔會好乾! 超正~ (重點係去日本有得入貨, 平好多~ A_Av) toner同日頭0個枝一樣 跟住到眼~!! 呢枝eye cream我用到第3枝喇~!!! 對抗黑眼圈同眼紋 shiseido出品~~~ 貪佢搽唔會唔立之外(我試過shiseido其他eye cream, 搽完起油脂粒, 係呢隻冇事), 佢仲有埋個按摩頭  咁樣~~ 吱出嚟就直接按摩埋眼肚眼尾呢d位~~~ 一枝搞掂晒~~ 如果我話個黑眼圈消失咗, 咁一定係呃你ge, 但係用咗之後, 以而家經常一覺訓得4-5個鐘, 或者一覺斬開2-3次訓嚟講, 冇嚴重惡化到我就當佢work ga na 跟住點小得..... 美白!!! 女人終身事業就係瘦身同美白呀~!!!  呢2枝我都用咗好幾枝了~ sofina white professional  搭咗枝美白美容液先~ 之後筆狀0個枝就响想重點美白ge位再畫圈(我堆雀斑呀~~)  上星期游水晒完嚟講, 用完之後新起ge斑好快就淡返晒(歲月痕跡0個d就算吧啦.......) 所以又係會keep住繼續用啦~ (何況又响日本入咗貨吖ma XD)  night cream都係用返肌研, 不過呢盒係美白+保濕, 又係貪佢搽完好快吸收唔會立~~ 枝Q10就係今次去名古屋先買ge, 本身以為呢d緊緻肌膚野同我仲有好遠距離, 但望真d自己同米豬訓响度影ge selfie, 其實2邊面豬done d肉已經鬆晒.............. 所以0個日一見到呢枝Q10就即刻入手~!!! 因為唔係成日用, 所以都唔知算唔算好用喇XD    大家有咩用過好ge介紹吓我啦~~~ 除咗護膚品, 我仲搵緊枝好用ge遮睱呀~~~~ 有冇好介紹呀~~?   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/