最近聽得最多ge, 應該係: 你就好啦唔駛返工响屋企做少奶奶湊仔 ^_^|| 嗯....... 等我帶大家睇吓我ge少奶奶生活...... Start dor~   0645 米豬morning call食奶 0845 堅醒 0915 刷牙洗面 廁所門口的fans 0930 食早餐(自己同米豬) 1000 story time, 陪玩, 朝早會教吓新野~  1100 準備好米豬lunch, 揹住24磅的米豬搭地鐵去買餸(屋企樓下得好很貴同冇咩選擇ge supermarket) 1145 返到屋企, 安頓痴身米再移形換影煮飯  (同場加影不停响廚房門口媽~~~ ge米豬) 1215 餵米豬食飯+教佢畢飯 1300 終於食完佢餐飯, 清潔場地 1315 陪玩, 呢排鐘意玩捉同用張被冚住自己扮消失咗 1430 同米豬沖涼 1445 食奶奶訓 (我得到短暫ge自由, 其間walkie跟身 有咩風吹草動即刻彈入房)  1500 整晚餐餸 1600 抹玩具, 做家務(晾衫接衫抹櫃etc) 1645 米豬未醒ge話就可以上吓網hea吓打吓blog 1730 9成9醒咗, 陪玩 1800 煮飯 1840 爸爸返到~!! yeah! 放底米豬比爸爸, 我專心煮飯 1900 成家一齊開飯 2000 食飽落商場行吓放吓米豬電 2045 返到屋企, Story time, 一齊執好晒d玩具, 準備訓覺 2130 換睡衣食奶訓, 期間老公會幫手洗碗吸塵拖地 2245 米豬終於訓著........ 2300 洗奶樽 2330 洗自己 0000 姐有多久的自由, 就睇吓我捱到幾耐ge眼訓, 多數捱到點零2點先訓....... 0130 訓................. 你以為真係訓咁簡單? 少年, 你實在太年輕了! 其實成晚都好alert, 只要米豬有咩聲, 就算好細聲un un聲都好, 我都即刻彈起身, 一嚟怕佢有咩唔舒服, 二嚟係要响佢爆喊前comfort咗佢, 以免佢嘈醒聽朝又要晨吉起身返工ge爸爸, 所以其實, 都唔算訓得好林......   睇完呢個schedule, 你能夠感受到 少奶奶生活 嗎? 我就唔多感受到喇┐( ˘_˘)┌ 全職褓母+教師+廚師+賓賓+看更生活我就感受到喇   不過問心, 條路自己揀, _ _ 唔好喊, 呢個係真理, 雖然每日攰到一個點, 成日都好想快d有得放假去旅行做吓spa, 但只要望見我的米豬豬~ 每日不停咁成長, 每日可以陪住佢探索世界, 就覺得..... 吖~~~ 好彩當初決定做全職媽媽, 陪响你身邊, 同你一齊成長, 媽媽覺得好幸福啊~~~ 而家仲見住米豬開始學我d行為, 例如去supermarket揀橙, 我揀佢又一齊揀, 仲要懶醒咁拎上手, 擰2擰, 望幾眼再放落籃度, 笑到我碌地呀~~~   曾經以為自己做全職媽媽後3個月會打退堂鼓, 但唔覺唔覺, 都做咗半年喇~~ 曾經以為自己會後悔揀呢條路(因為好困身, 又冇收入, 我咁又鐘意shopping...), 但原來, 做落, 真係幾開心ga~~~ (雖然冇得蛇王~)    米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/