BB仲喺嬰幼兒階段,未識用言語表達,有時BB喊好耐,都唔知佢喊咩?   又有時BB明明有PooPoo, 但唔成形,又臭又爛,仲要遇著BB不停扭計。做父母的,大概會估到BB可能肚仔唔舒服,但究竟係邊種唔舒服?係對牛奶蛋白敏感 (Cow’s Milk Protein Allergy) ?定係身體無法消化乳糖 (即有乳糖不耐受,Lactose Intolerance)? 仲有其他可能,例如是腸胃免疫力差,益生元和益生菌量不足,引致其他腸胃問題,如腸胃炎等。   雖然對牛奶蛋白敏感,同對乳糖不耐受的BB,飲咗配方牛奶後不適的徵狀都相似:腹脹氣,腹瀉,嘔奶,煩躁,以及其他過敏反應,例如濕疹等,但處理的方法並不一樣。   如果BB有過敏體質，或者爸爸媽媽曾經出敏感,那建議轉飲含部分水解乳清蛋白的配方奶粉,將大分子的牛奶蛋白分解成小分子,有助BB腸道吸收,預防過敏。   對於乳糖不耐受的BB,他們身體內不夠酵素分解牛奶中的乳糖,所以他們應該改飲低乳糖或不含乳糖的配方奶粉。   由於兩個原因都會引致BB肚仔唔舒服，容易混淆，所以想BB腸道健康，選擇配方奶粉時, 最好揀同時含1)部分水解乳清蛋白 + 2)低或無乳糖的產品   另外，想BB有軟便便，就要留意配方奶粉係咪不含棕櫚油 (Palm Olein)，因為研究發現，棕櫚油會令BB便便變硬*外, 亦會影響鈣質吸收**。   當然,餵哺母乳必然是最好選擇。一來母乳最易消化,二來母乳中含有大量益生元,有助BB腸道製造益生菌,提升腸道免疫能力, 爸媽自然少D擔心。   *Food Nutr Res。 2017; 61(1): 1330104。 ** J Am Coll Nutr。 2006 Apr;25(2):117-22