其實媽媽我........ 係個動漫迷, 而且, 仲係宮崎駿超級FANS, 龍貓就係我生命中第一次認識ge日本動畫世界, 講緊當年姐我4歲入場睇龍貓, 之後我諗大大話話, 都重睇咗100次ヾ(*Őฺ∀Őฺ*)ﾉ 所以其實我已經識背晒中文版ge對白(´°౪°`), 之但係, 到大個咗(講緊出嚟做野之後), 就開始會留意動漫ge配樂, 機緣巧合之下, 發現原來大部份我超鐘意ge日本配樂(動漫或電影), 都係出自久石讓大師之手, 自此之後, 我就連久石讓都撈埋, 當中除咗佢幫宮崎駿大師ge配樂外, 我最最最鐘意, 就係聽佢同9個大提琴家ge演奏會 傳送門: A Wish to the Moon 每次响youtube睇, 都好想可以親身聽一次現場版, 咁即係一係我去日本聽, 一係等佢嚟香港開............ 對上一次久石讓嚟香港開音樂會, 已經係成8年前ge事, 我仲記得當時facebook唔算好盛行, 都係無意間知道佢同港樂會有個音樂會, 而極大部份門票已經優先認購完, 公開發售日期咁啱係唔駛返工ge日子, 我0個時零晨4點幾同Z小姐2個去通利門口排頭位等開門, 仲好記得一埋counter時個阿姐同我地講, 久石讓得返3個單丁位, 仲要唔同區, 我地諗都冇諗即刻同阿姐講, 要晒3張飛!!! 0個次, 係我咁大個女第一次為咗睇場音樂會而晨吉去排隊, 最後到音樂會當日, 當然係感動到暈底啦~~~ 但由於當年得返d散飛, 3個位都好唔靚ga...... 我坐正响管樂上面, 只要管樂一開工, 前面弦樂拉咩我係完全聽唔到(⌯˃̶᷄ ﹏ ˂̶᷄⌯)ﾟ <-8年前我望住ge位置 不過雖然只係聽到管樂, 但成程望住久石讓大師認真指揮真係好正~~~~~~ 上年知道久石讓又嚟香港喇~! 我地梗係唔會錯過啦~!!! 雖然入唔切會買第一水優先訂購, 但我地買咗綑綁式銷售ge套票, 所以都係有得睇ge~!! 但冇得揀位咁囉~ 一知道有fd買到飛時, 真係開心到差d响公司跳起yeah! (╯✧∇✧)╯ 點知過咗2個幾月..... 港樂無啦啦打比個fd, 話上次系統出錯...... 原來有批email早過我地買飛, 我地原來係買唔到飛................... ‧º·(˚ ˃̣̣̥⌓˂̣̣̥ )‧º·˚ 傷心+嬲到想喊........... 傷心你都明, 但堅係嬲~!! 因為一早係講咗得上網或電話或排隊3個方法買飛, 你同我講你有批email早過我地買飛時間入嚟???????? (╬•᷅д•᷄╬) email??? 你地完全冇講過email可以買飛囉!!!!!!!!!!!!!!!! 不過嬲都冇用....... 總之, 就係冇得睇........... 之後, 又又又好多人嘈, 結果加場, 咁當然公開賣0個日係繼續比黃牛買晒啦~ 我又繼續坐响度葡萄啦..... 到再加場, 仲要實名登記抽飛, 我相信已經係港樂能力上做到最公平ge玩法, 我梗係又去抽啦~ 但我呢d地獄黑仔王梗係又抽唔中啦~!!! 到加場0個場前1-2日, 港樂宣布加場有百幾2百張執雞飛!!!! 唯一規定係要响音樂會0個日朝早9點正, 去文化中心實名登記咁買~!!!! 我已經同老公講, 我0個日可唔可以交低米豬比你, 我5點飛的過去排隊, 因為真係好想好想睇!! 老公本身都諗住由我去, 點知, 前一晚, 零晨1點鬆d, 佢見到佢舊同事post上fb, 話去睇吓而家久石讓0個邊咩環境, 如果得1-2個人就走, 第2朝先嚟排, 點知去到已經成50人排緊, 佢個舊同事就話, 咁我唔走得啦.... 我就弱弱地問我老公, 可唔可以問吓舊同事..... 係自己睇, 定同女朋友睇....... 諗住...... 搭吓單.........點知, 佢舊同事超好人~!!! 佢話我自己睇咋~! 你老婆係咪睇呀? 比埋佢名我幫佢買飛啦~!!!!!!!!!!!! ＼(;ﾟ∇ﾟ)/ 我0個吓, 真係開心到想喊~!!!!!!!!!!!!!!! 第2日7點幾8點我就過去接力, 舊同事比低張籌我, 就返屋企休息 44號呀!!!!!!! 即係一定有飛, 仲要有位揀呀!!!!!!! 當日朝早8點文化中心U到過咗鐘樓0個邊ge人龍, 我深信如果尋晚唔係老公舊同事排通宵, 我又係坐响屋企葡萄...... 9:45我就返返入文化中心, 跟返籌號去排隊買飛, 既然都排咗成晚, 梗係要揀個靚位~!!! 拎住張飛對咗我同舊同事個名廿次都有~!!! 到真係買到飛0個吓, 開心到手震同想尖叫呀~~~~~~~~~~~~~~~~~ 由於係第一次實名登記門票, 所以港樂係要求觀眾早2個鐘以上到場登記, 音樂會3點開始, 但我1點鐘已經入咗場 入場登記會對返你張飛個名同身份證個名同埋你同身分證張相係咪一樣(好彩我冇咩走樣.....) 跟住再由佢地職員同你索一條手帶落手腕 只可以越索越緊的手帶, 要剪先除到, 方便入音樂廳前再次確認身份冇換過人, 呢2個安排超讚~!!!! 雖然場內話唔比影相, 但見個場同個台都冇人, 我偷偷地影咗呢張 各位乖寶寶唔好學我 睇咁多次演奏會, 坐到正一正真係第一次, 連老公舊同事都話, 咁大個仔第一次為一場音樂會訓街, 外人一定會覺得我地痴線, 但睇完成個音樂會, 就會覺得訓街都抵~!!! 由於呢場係實名登記, 基本上入得場ge, 一定係fans! 上半場就係一d唔算好熱門ge曲目, 但係係大師精挑細選, 我自己最鐘意三位一體狂想曲~~ 成首歌都好唔久石讓, 睇到大師ge另一面~~ 下半場就全程起雞皮打冷震, 仲差幾乎喊~!!! 因為下半場第一首歌, 就係我最熟悉ge旋律 summer!!! 聽到第5粒音已經起晒雞皮~!!! 真係差幾乎喊出嚟~!!! 呢首歌我差唔多隔日就聽, 每次聽到都會諗, 如果可以比我親眼見到大師响我面前彈一次, 應該會畢生難忘!! 到而家過咗成個月, 我仲好記得當日每一粒音, 每一個動作, 直頭覺得自己成首歌都冇呼吸過~~ 堅唔係誇張, 因為真係一首我期待咗好多年ge歌~!! 第2首花火都係一首熟悉ge歌, 但就冇summer咁熱愛~ haha~ 總之都係好好聽~ (而家聽緊again~) 第3首壞孩子的天空就小聽d, 但個melody就好熟好熟, 好似响邊度聽過咁 到第2組曲, 就係 天空之城交響組曲(2017重新編曲) 老實講, 天空之城所有歌我都聽過晒N次, 第一眼見到呢個曲目, 就覺得應該同8年前差唔多, 但一始奏之後就不得了喇.......... 就好似26分鐘內重新响個腦入面睇多次天空之城咁, 完全想像唔到天空之城可以咁編曲法~!!! 又係起晒雞皮!!! 我相信呢個世界應該冇音樂可以難到大師了~~~ 之後當然唔小得encore啦~~ 首先彈咗千尋主題曲, one summer's day, 當然我又係起晒雞皮啦~~~ 真心講, 聽咗幾百次, 可以睇到大師响我十零米前現場彈一次, 汝欲何求? 最後再encore 就係龍貓組曲喇~~~ 我諗冇咩人唔識啦~ 因為連我家米豬都好耳熟能詳啊~~~ 總結成個音樂會, 我只可以用 震憾 2個字嚟形容, 完場時, 有一種: 我距離死而無憾又邁進咗一步!! 我唔識任何樂器, 唔知道點為之高技巧, 只係好單純地被音樂感動到ge人, 好歌不厭百回聽, 應該就係我對久石讓大師ge感覺, 到呢一刻, 再聽返summer, 雞皮依然, 冷震亦然 貪心d, 如果今次有埋Asian Dream Song, 我諗我真係會喊出嚟!!!!!! gum入去聽吓啦~ 呢首真心正~!!!! 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/
