依加都生完差唔多3個半月，有時見到街上既大肚媽媽，都不禁回望返有左bb既日子，回望既時候發現，原來係有左bb呢一年既日子，我成功地挑戰左同跨越左唔同既困難，成件事就好似打機咁，要打底對方咁就會獲得新技力同升Lv。你地又有無同感呢？ 係懷孕頭3個月，相信我地既對手都係一樣，就係「害喜」，為左對付佢，我用盡所有方法去避開呢個敵人，不停食d酸味味既糖、梳打餅去預防作嘔作悶既感覺，但過程又點會咁順利，敵人總係會出奇不意咁突襲你，令你無得安安落落咁食餐飯，無嘔返出黎都叫贏啊！過左頭呢3個月，我真係替你開心，因為你已經升lv，可以去一關喇！ 去到懷孕中期，係一段較少遇到敵人，但都千奇唔好鬆懈，因為妊娠紋既問題係會隨時出現！好彩既，拎到武器可以解決到，但有時比你拎到武器，敵人都係唔會投降，d紋都係會遍佈係個肚到。而我都呢一關都係輸左，只好帶住戰積行去下一關。 去到懷孕既後期，相信都係最辛苦又期待既一個關卡，係呢一關，敵人係最多，但同時你知道只要打埋呢一關，就可以完結（都係要進入呢一個新Game架）。呢一關，你將會面到腰痛、抽筋、皮膚痕癢等既問題，呢一關已經無咩武器可以對付敵人，你可以做既只係忍耐同令心情放鬆！好多時企得多，對腰既付荷好大，又會令自己好易抽筋，下下都半夜抽筋痛到醒，真係做咩都心機～仲要自己出街個陣，跌左野落地，個一刻先最無奈，完全係挑戰你腦力，點樣又執到但又唔會整到個肚！每次做到，都會好佩服自己，哈哈 但去到咁上下，bb就出世，好似所有既難關都告一段落，係過唔同既關卡，發現自己為左bb一一都捱過左，努力左十個月，打足十個月大佬，真係好難忘，過程需要唔太好受，但每當bb踢下你，個心都暖一暖，辛苦左咁耐真係值得架！ 當你生完之後，我會想同你講聲，歡迎黎到新版本既遊戲啊！ 中意我既分享，可以留意我Facebook同IG會，比個like我，仲會更快知道我既Update架！ Facebook：https://www.facebook.com/90sMummy/ Instagram: https://www.instagram.com/minarainlo/