終於終於book左機票黎緊同小帕卡一齊去旅行啦 到時佢已經過左一歲, 希望到時唔會係辛苦自己之旅啦（我就想啦ＸＤ）   搞掂完機票之後，首先馬上唔好懶既就係幫帕卡申請特區護照啦 點解咁講？ 因為其實由排期到最後拎得前後其實都要２個月呀（如果你係親身去交Form的話） 我係：５月１號網上排期既，要到５月３１號交表，之後最快６月２２號先可以攞 所以咁多位媽媽記得要預留多少少時間啊 (記得是但一次去要帶埋bb去呀)   當然大家都知道重可以郵寄張表格會快ｄ 但處女座既我就乜都擔心一餐，好擔心萬一有野比漏／寫錯彈返轉頭就大。穫。了　（好采最後我無用呢個方法呀，因為真係比漏 and 寫錯野，哈哈） 媽媽們自己衛量呀   其實係網上search下都有好多申請特區護照既資料，我就都簡單講下啦（好懶啊） Ｆｏｒｍ方面分別要填３份，分別係ID842, ID641 同ROP3 上返https://www.immd.gov.hk/hkt/services/travel_document/index.html　下載返 跟返佢guildline填就ok  有少少要注意既就係有一度問bb住夠7年未, 要tick "否" 同埋副署人既身份證副本記得帶埋去啊   事前準備: 1). 網上排期 2).  填３份表，分別係ID842, ID641 同ROP3 3). 準備好bb出世紙正副本(去到要對正本),媽媽爸爸身份證副本(去到要對正本),同埋副署人既身份證副本 4). 幫bb影定靚靚證件相   關於證件相，其實現場係會有好多大媽問你影左未既 但好多媽媽都已經中過伏ｌａ，靚到呢 所以我事先同小帕卡去左一間朋友介紹既曬相鋪度影 雖然位置係東涌唔近我地，但影完我覺得好值得啊 我地係上次同小帕卡去完迪迪尼之後順便過去 果日小帕卡去完迪迪尼之後係超級攰樣 但佢地好有心機係咁氹帕卡笑 又影到靚同笑為止 所以最後護照都可以貼住張靚靚開心相（嘩，大大話話都要用５年啊） 價錢係非常合理，住東涌附近／去開迪迪尼既媽媽不防考慮下   藝影快速冲印公司 東涌逸東邨逸東商場二樓219號舖 電話: 2495 2378     傳真: 2495 2373 (星期一至六 10:00-19:55) (星期日 10:00-19:00) 老闆同老闆娘好認真咁幫bb影緊相   大家估下最後揀左邊張相做證件相呢?  *攝於小帕卡7月大時   -------------------------------------------------- 重有更多育兒資訊，親子好去處分享 小帕卡Facebook專頁: 小帕卡の成長點滴 Email: gfsying325@yahoo.com.hk 歡迎聯絡合作