好想做蘋果肉丸比Bella食好耐。 其實呢款蘋果肉丸我做左第三次先成功， 第一二次，用左牛肉豬肉， 出來效果唔係太散或太粉， 就係蘋果買的唔甜無蘋果味， 因始終唔係做大人版肉丸可以落好多調味及香草， 而最後成功呢次，我改用雞柳肉， 清清地同蘋果蓉好夾， 另外加左少少藜麥混合， 增加賣相及營養。 小丸子我用來拌蜆殼粉給Bella做午餐， 或者就咁當下午茶小食都好適合， 希望各位BB鍾意。   《BB食譜：蘋果藜麥小丸子拌蜆殼粉》       材料：   雞柳肉85g 蘋果半隻 藜麥1～2茶匙 粟粉2茶匙   大粒蜆殼粉適量 西蘭花適量   蘋果汁打獻： 40ml水+1茶匙粟粉     做法：   1. 西蘭花浸一浸鹽水後洗淨蒸熟，蜆殼粉烚熟。         2. 藜麥浸半小時後，放入滾水中煮至爆開，瀝乾水備用。          3. 1/4隻蘋果磨蓉備用。       4. 1/4蘋果及雞柳肉用blender打成肉蓉。       5. 把藜麥混入肉蓉中，再加入兩茶匙粟粉拌勻。 需要也可以加一點鹽。             6. 取少量肉蓉在掌心做成丸型，平底鑊掃少許油， 加熱後放入丸子慢火煎熟。       7. 把小丸子加入蜆殼粉及西蘭花。   8. 做蘋果醬汁，把另外1/4蘋果蓉及少許藜麥加熱， 再加入粟粉水，煮至黏稠即成。           9. 蘋果醬汁可加入蜆殼粉中拌勻，或另上讓BB點丸子食。             ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange  OH!爸媽!  MyBB.Com  香港媽咪幫  UBABY 媽媽經  親子日常