為B 是日午餐飯盒 雜菜椰菜花蓉煎餅 配 牛油果醬 甘荀仔 蘋果 多得黐身嘅胡小B 瞓得又少  patpat裝左sensor 咁 就算瞓左一放落床就醒 眼精精咁望住你笑 仔呀仔我就真係笑唔出 所以好耐都無整靚仔午餐俾為B  今日見佢靜靜地可以自己坐喺度玩 即刻入廚房煮午餐比兩位主子 快手快腳整個Happy Lunch Box  煎薯餅大家應該整得多 今日就用椰菜花蓉代替薯蓉  為B好鍾意食薯餅 用咗椰菜花蓉代替  營養豐富之餘 胡小B都啱食  一花兩味 「熱量的椰菜花仲有豐富蛋白質、鉀、錳、葉酸、維他命C、K、B群和奧米加3脂肪酸,而維他命B群之中的膽鹼（choline），是人體必須營養素，有助大腦發育，加強記憶及學習能力。」 做法仲要好簡單  1.洗淨烚熟左椰菜花  2.用紗巾扭走椰菜花水  3.加入cream cheese 打蓉 4.加喜歡的材料 今次用粟米 甜椒 椰菜絲  (加咩都得 之前有試過 蝦仁,三文魚,牛肉粒等等) 5.煎至兩邊金黃 全熟就食得  cream cheese 12m+ 之後先好加 為B好開心見到個lunch box眼神發光✨ 不停問我可以打開未 影完相未 食得未啊???? 一開動就食不停 媽媽最開心莫過於此  偶然的驚喜小朋友最受落♥️ 有興趣留意更多小朋友菜式同為媽分享可以瀏覽為媽FB: www.facebook.com/allaboutelyse