上年快餐店靜雞雞cut咗板燒雞扒飽引嚟網上一片愁雲慘霧，先知原來香港人咁鍾意食雞扒飽！又原來自己整其實唔難，仲可以控制味道，為食不求人！   材料： 雞扒 2塊 味淋 1湯匙 老抽 4湯匙 糖 1茶匙 蒜蓉 適量 黑胡椒 適量 雞汁 1湯匙 牛角飽 2個 沙律菜 適量   步驟： 1、將所有調味料拌 2、將調味料倒到雞扒上，撈勻醃30分鐘 3、將雞扒皮向下放入美的智能高速煲，用「豬/雞肉」方式大約焗25分鐘就完成 4、如果想麵包香口啲可以先焗一焗／無油煎香 5、之後將牛角飽打開，鋪上沙律菜同雞扒，照燒雞扒飽就完成啦！   煮食小貼士： 如果唔介意煮嘅時侯連雞皮，雞扒連皮煮可以避免雞肉有機會散開。注意健康嘅朋友可以同我一樣煮完先去皮。 麵包可以用漢堡包、 熱狗包或者英式鬆餅(豬柳漢堡嗰隻包) ，可以先打開入焗爐焗一焗，或者打開放落鑊煎香(唔需要落油)。 是次小分享完畢，有興趣可按 麵語錄食玩遊記 by Aminn 或 C家重地 其他分享 :)   Aminn | Beauty．Food．Fun．Travel．Trendy｜    麵語錄食玩遊記 by Aminn (Lifestyle) www.facebook.com/m.for.aminn / www.instagram.com/starzaminn    C家重地 (Parenting) www.facebook.com/sy.lam.family 任何合作請接洽：aminn613@gmail.com