我生左2胎，因為第1胎係外國生，所以生完都無咩補到，坐月之後我覺得成日都好攰，身體比以前差左。今次第2胎返左黎香港，所以一開始知道有左，就已經決定今次坐月要補返下，我個時因為初初返黎香港，咩都唔知，都係朋友介紹我呢隻補益坊產後進補廿八方，話坐月補身好好，其實我連廿八方係咩都唔知~   生完第2胎我就開始食呢隻廿八方補身，我係自然分娩，所以醫院返屋企就開始飲，剖腹生佢寫要等多幾日先好飲，佢有分5個階段，唔同階段有唔同藥材，循序漸進幫你補身，佢包裝分左一包包真空包裝，有介紹你點樣煲，都好簡單容易，因為我無請陪月，係我媽黎幫我手，佢都係睇住D方法黎煲，方便好多。     我初時都想有D擔心食補品會唔會影響人奶，因為我今次想餵耐D，但我食左之後人奶方面無任何影響，最大變化係個人精神好左，我半夜餵奶都無話好攰，上一胎真係無氣無力咁嫁.....今次真係好好多~ 因為今次我湊BB之外，仲要同時睇住個大既，所以真係要好有體力~因為體力好左，所以心情比上次都好好多~ 我坐完月之後，身體比之前好左，少左病痛，所以我覺得坐月補身真係好重要。我其實都見有其他牌子比較平，但佢地係藥粉，我比較鍾意藥材多D，佢一包包分好唔使我諗要點配好，我諗住生仔最多都係1-2次姐，緊係搵D材料靚D既補下好D，所以最後揀左呢隻藥材成份既，雖然有DD貴但最緊要有效嘛，我成日覺得BB健康重要，但媽媽健康都一樣咁重要咯~~ 希望可以俾參考諗緊坐月補身既媽媽啦~~~