唔明點解小朋友咁鍾意食腸仔！？ 做完呢客BB健康版德國腸後， 本來以為Bella懶咬肉食得少， 已經有心理準備我食多D， 點知佢竟然狂食， 一條接一條密密食， 其實食材都係平時嗰D， 唔通變成左腸仔後佢唔當呢D係肉， 而係係腸仔？！ 所以之前有媽媽問我點樣征服唔食肉嘅BB， 如果你地整左之後BB肯食話我知， 我會好開心繼續鑽研下一個食譜！   亦適逢世界盃開籮， 呢客健康版德國腸， 亦好arm屋企個大細佬睇波食， 做法其實好易好易， 因為唔需要太講究份量比例， 但一定要有blender。   《陪爸爸睇波之健康小食~BB版德國腸拼盤》   材料： 今次我就用左豬牛雞三隻肉， 目的係想影出黎嘅效果豐富D， 也可以試多幾種唔好配搭， 然後話比大家知邊D好食。 如果你地無時間就揀一兩款來做。 肉質唔好揀太瘦，會好鞋， 雞肉我用雞柳， 豬肉買有少少肥嘅免治梅頭肉， 牛肉就買免治牛肉。 豬牛肉買回來雖然已係攪碎的， 但都要再用blender打成蓉， 如下圖。     至於配料我用的唔多， 有蘑菇，芝士，粟米，四色椒，香草， 而西蘭花就用來伴碟， 大家也可以用自己喜歡的食材去做， 只要食材不要用太濕的便可， 而且切混合比例要留意， 多一點可以中和肉的鞋口感。   我今次想做的腸仔款式有以下幾種： 蘑菇雞肉腸 粟米牛仔腸 香草豬肉腸 芝士腸 四色椒長腸 雜錦波波腸     將粟米，四色椒，蘑菇及西蘭花先蒸熟。   然後切碎備用。     芝士亦另外切碎。   準備好大大小頭的保鮮紙， 但留意包裹腸仔後兩頭要留有空位做扭結。   香草豬肉腸：     芝士腸：   粟米牛仔腸：   混合幾種食材及兩種肉的雜錦腸：   混合肉腸時可按自己需要加入些許鹽。 做形狀方式大家可按自己喜歡的長度與粗度做，但切記當捲實後，兩頭都要打結把肉腸迫實定型。然後放入雪櫃雪6～8小時。     煮食前取出，腸仔打開後會定了形，但肉質仍是軟綿綿的，不要大力按壓。       由於我家都喜歡食香口野， 所以我就直接放到平底鑊慢火煎熟， 其實不喜歡煎也可以蒸，又或蒸完再略煎又得， 但如果蒸的就不要放太多芝士。   送比爸爸及BB一齊睇波嘅健康小食， BB版德國腸拼盤！ 下次Bella媽再來為BB創造料理，記得留意我們的facebook更新????！             ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY 媽媽經  親子日常