對於日本及日本既美食，小妹從來都抗拒唔到 所以對於日本料理我也是愛死了 就好似今次分享既呢間壹級日本料理   除左食物上抵食之外，地方仲係好特別架 因為它位於係大圍既美林邨既冬菇亭 係第一間以冬菇亭大排檔設計既日本料理餐廳 壹級日本料理   最重要佢係巴士站附近， 一落車就以到呢個特別既冬菇亭啦 真係方便到極點呀!!!   或者大家都會奇怪點解我會專登過黎食野呢 當然係朋友推介話呢度既Lunch 係好抵食 唔洗60蚊就可以做主食又可以有飲品 真係好抵食架，不過今次我唔就特別介紹啦   咁就等我介紹下其他食品，睇下係唔係真係咁吸引啦 當中以下兩款呢係叫自選配搭午餐， 就可以加8蚊就可以點M1 - M14 既小食 其中就有呢個M12 : 和風炸餃子(2隻) $8 餐牌單點價$36有4隻   忌廉蟹肉薯餅$28/3件 呢個薯餅真心不得了， 首先佢既忌廉蟹肉係切開後愎慢流出 最重要D香味同D忌廉蟹肉好滑唔會太過熱辣辣 Gogo 好鐘意食d忌廉蟹肉     呢隻雞翼真係呢，比多幾隻我都冇問題呀 明太子乎羽 $48/2隻 首先佢內在既餡超豐滿的， 一咬落口就已經係啖啖肉，最重要佢雖然係明太子， 但係其實唔係真係好辣架咋 (因為我真係食唔到辣架)     當然少不了,日本料理係最重要既一幕 就係刺身拼盤啦 分括有赤身$98/4片，油甘魚腩$78/4片 劍魚腩$68/4片，帶子$48/4片 珍寶牡丹蝦 $98(2隻) 薄切八爪魚(6片) $48   我最愛當然都係油甘魚腩，因為佢好夠厚切同埋鮮甜 劍魚腩真係唔洗講超好味，帶子一樣係超大粒自己都唔捨得買 最後赤身真係唔係朋友介紹食真係唔識食呀 估唔到又幾好味架啵,可惜刺身冇得一個價錢幾款咁叫 真心佢既新鮮度比起好多日式餐廳既好的     呢個鰻魚炒飯$88 真心不得了，呢個炒飯真係粒粒都有醬汁包住 乾濕度剛剛好,味道又唔係好咸 超好味~真係值得一點呀喂     對於串燒，平時我就比較少點上既 不過今次朋友就話呢度既串燒 除左係即叫即整之外，佢地既爐燒真係燒得不錯   真心值得推介其中一款， 蘋果豚肉串 $22/串 點解好食呢?平時豚肉大家感覺會好油膩感 但係今次呢個串燒，首先油膩感係冇既 完全蘋果肉好似吸走左D油膩感， 而個豚肉唔係話好厚好油咁， 真係可以食多幾次!!!     牛舌串燒 $38 牛舌唔係個個鐘意既，但係我就真係好鬼愛 因為牛舌要煮得好，唔算易 佢唔洗用太多調味，少少海鹽就好OK啦 但係燒呢就唔可以燒得太耐,唔係佢就唔係軟軟既牛舌 而家變得鞋拾拾又咬唔開牛舌     好食既東西係值得推介， 今次呢一間壹級日本料理，位置上也尚算方日既 係沙田火車站可以轉巴士係美林對於既巴士總站落車 其實好方便架~因為佢以黑色門口設計好易認架~ 有興趣都黎試下，gogo 可以一個人食曬成碗烏冬 証明真係幾好食呢~~   今次分享既餐廳是: 壹級日本料理 Address: 新界大圍美林邨熟食亭1-4號鋪   就這樣完結啦，下次再見啦!(拜~) ◕‿◕如有任何合作事宜，歡迎找我呀 Beauty | Baby | Food | Life  Angel 小魔怪Mama‍ E-Mail: manman81!@gmail.com Angelbaby811 Facebook: AngelbabyHome 小魔怪。私家竇↩️Follow Me