好似好耐冇出過米豬食譜tim~~ 呢排好忙呀~~~ 煮來煮去都係0個d, 咪冇寫囉~~ 呢個又係hea底食譜, 好快就煮好, 又好味又有益~ 係蕃茄肉碎炒蛋呀~   材料: 蕃茄 半個切粒 免治豬肉 3湯匙 蛋 1隻 調味(optional): 糖 幾粒仔   做法: 1. 雞蛋响大碗打勻, 平底鑊中小火落油, 燒慶鑊後落蛋液, 不停撥開佢 2. 炒到開始痴得埋一舊,但仲有小小蛋汁就離火, 倒落個碗度 3. 原鑊落蕃茄粒炒到出水, 如果你個蕃茄好生(硬硬地)ge話, 可以落小小糖中和返d酸味 4. 再落肉碎, 記得督散住咁炒 5. 炒到見唔到粉紅色, 就倒返d蛋落去 6. 繼續兜兜兜~~ 7. 兜勻晒之後, 落2湯匙水, 煮到收汁就完成喇~ 8. 撈埋落碗白飯度, 快靚正又一餐~ 米豬試食時間~ 乜又係你呀蕃茄蛋~ 唔緊要啦~ 我最鐘意食蛋蛋~ 真係好味到暈低喇~!!!!! 日日食都得呀~!!!!   煮食小貼士: 1. 其實我媽咪都成日煮蕃茄炒蛋ga~ 因為方便又有營養ma~ 大人食就唔駛切粒, 切件就ok~~ 肉碎都唔駛落~ 2. 如果小朋友咳咳, 就唔好煮呢個喇~ 因為蕃茄越食越咳呀(菜檔姨姨話我知ga) 3. 蕃茄有大量茄紅素同埋維他命A同B, 對身體增強抵抗力, 抗氧化都好有幫助ga~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/