話說呢個係帕卡爸爸第一個父親節呀  窩心既帕卡就獎勵左爸爸訓多二個鍾，哈哈 (可能對爸爸已經係好大既獎勵)   今日既活動就係同BB參加爬行大賽啦  係喜寶之有機爸B足球派對爬行大賽@愉景新城 其實帕卡只係識爬左唔夠2個星期炸 初初重唸BB去到應該淨係識坐係度 但極度希望帕卡唔好skip左爬既帕卡媽我就唸住比佢睇下其他BB點爬都好丫 因為其實BB爬行係好重要，學行真係唔急得 有好多研究都話[爬行]對BB黎講係有重大既改變 - 有利於接觸覺整合，感覺不同既皮膚觸覺感受 - 增加大腦認知能力，透過爬行學習如果控制自己身體動作 - 有利於動作協調和四肢關節穩定 - 訓練寶寶大小肌肉 - 鍛鍊上下盆的穩定性 雖然網上真係有好多教導/引導BB點樣開始向前爬 我亦都一一同帕卡試過 但我認為最work既真係比佢望多d差唔多年紀既BB，比佢睇到其他BB原來係咁爬 帕卡未學識之前係已經有晒姿態，但就一直唔曉點向前 永遠都係向後爬同自轉（媽媽表示百思不得其解明明向前唔係一樣道理嗎？） 已經無數個夜晚帕卡媽同帕卡爸係0係屋企爬黎爬去 (希望爬比佢睇，唸起都好笑，成屋都係四腳爬爬) 最後係帕卡出去同成班已經識爬黎爬去既BB一齊玩左2個鍾 返到黎竟然叮一聲就識左，真係唔到你唔信 帕卡果時重未識爬就係咁捉住爬緊既BB玩:)   題外話，已經N年無踏足過愉景新城既帕卡媽我今日發現 原來愉景新城已經好成功咁成為左一個非常親子既商場 真係一個兒童天地 碰碰車呀，吹氣滑梯，彈床，兒童電影阮等等，真係要乜有乜 等帕卡大D可以帶佢過黎玩呀 另外不得不讚佢既育嬰室呀，真係五星級 一入到去你會FEEL到個溫度係好適中，好適合BB除衫除褲，佢有個溫度計我見到係26度 另外無任何異味，而且地方好寬敞，唔會感覺撞到旁邊既爸爸媽媽 容納空間都大，我去Ｌ１SPAO 入面果個育嬰室有8個位呀 爸爸媽媽們唔駛抱住BB呆等 每個換片位置都有獨立既洗手盤，消毒液，出既水都係熱水 認真真係好貼心 媽媽們馬上感覺備受尊重 不愧為「全港最佳育嬰室」係有原因架   -------------------------------------------------- 重有更多育兒資訊，親子好去處分享 小帕卡Facebook專頁: 小帕卡之成長點滴 Email: gfsying325@yahoo.com.hk 歡迎聯絡合作