2018-1-24入院轉胎位，醫生擠勁多gel係我肚皮上，照一照超聲波就開始轉⋯深呼吸一下，然後忍住痛。心想轉一下就好了⋯誰不知，轉左三次都唔成功。最後，醫生係我37週4，即係2018-1-25早上11點就按排我剖腹產。因為我血管太幼醫生一直搵唔到位打枝鹽水針，枝針又粗，我都死忍！總共十個針口，總算是搵岩位⋯1115進入下半身麻醉狀態，但全整個剖腹產過程係清醒嘅。仲記得1128分，聽到個仔第一下喊聲，感動到（哭）然後醫護人院即刻幫呀仔戴上手帶，仔細咁檢查⋯⋯ 然後1200時份被推入復甦室，攬住個仔，雖然係瘦左少少，但好滿足。上左病房，姑娘第一句同我講嘅，竟然係：「你係雙子宮，你自己知唔知？」我當下晴天霹靂！仲計劃30歲前追番個女，即係成個人灰哂????