孕媽媽踏入24-28周， 如果高齡、過胖或有家族有糖尿病病史， 政府都會安排「飲糖水」- 妊娠糖尿測試。 政府做測試就費用全免， 私人診所收費約幾百元！ 而我覺得始終在孕期做測試會比較穩陣， 因為妊娠糖尿會引發不少問題， 所以都係謹慎對待比較好！ 在健康院進行妊娠糖尿測試程序如下 Step 1: 進行測試前，需要前一晚的凌晨12點後開始禁食，可以飲水 Step 2: 早上9點到達健康院拿籌，等候驗血 Step 3: 等候一段時間，就入房見護士～ 當護士會詢問前一晚禁食情況， 確保跟足指示就開始抽血 Step 4: 到達整個過程最難捱的一刻， 健康院姐姐遞過大大杯糖水， 份量與大杯珍珠奶茶相近，要十分鐘內飲畢整杯糖水！ 剛開始飲只係覺得甜甜地，感覺還好！ 當飲到一半時，那種甜到拿喉的感覺不斷湧現， 開始覺得好辛苦，最大鑊每飲一啖都想嘔！ 如果真的不小心在飲的過程中嘔， 就需要另約時間再進行測試！ 最後憑意志完成飲糖水～超辛苦！ Step 5: 漫長的等待時間，需於健康院等候2小時，再抽血！ 等候期間，不得飲食及離開健康院 所以我就煲住劇，等時間過得快d! Step 6: 經過2小時，護士幫我抽2枝血～ Step 7: 回家等消息， 如果7日內沒有收到電話，即代表順利過關， 如果不幸收到電話，就有機會入院做全日妊娠糖尿測試及安排見營養師！ 今日回健康院聽報告，剛剛好合格過關～ 可以暫時鬆一口氣！ 特意食西多＋烤雞翼慶祝一下～～ 整個孕期，準媽媽經歷不同挑戰， 各位孕媽媽加油！祝大家都輕鬆過關！一切順利！ ＝＝＝＝＝＝＝＝＝＝ 任何 合作試用／邀稿／出席活動／主持 歡迎聯絡LULU，Email：lululittlekitchen@gmail.com ＝＝＝＝＝＝＝＝＝＝ 想即時知道 LULU & 卡樂B 動態， 請 Like Facebook LULU Little Kitchen 新手媽媽 ♫LULU Channel♫ 個人網站 ︱Instagram︱Facebook 親子王國BK Milk作者︱MamiBuy 駐站部落客︱媽媽經駐站作家 PressLogic - Mami親子日常 ︱Oh!爸媽︱Mybb.com Cook1Cook食譜分享︱點煮網︱Chef Diary Openrince 新晉食家 ︱Poortravellers窮遊香港駐場博客︱UBlog Beauty Exchange CERTIFIED BLOGGER︱亞洲時文社 Blogger She.com︱talk@Cosmo ︱ESDlife