又係我呀...... 仲未好返呀.... 米豬睇咗3次醫生喇...... 仲要連我同老公都病埋........  good news: 米豬終於收咗鼻水 bad news: 呢2日都反反覆覆有發燒, 而且仲有超強勁痰, 最慘慘係........ 米豬咳唔到d痰出嚟, d痰痴住晒喉嚨, 早2晚點幾鐘仲咳到嘔呀... ヽ(д`ヽ)｡｡ 好在我同老公未訓咋.......  所以今日起身即刻推米豬去買料再煲湯~!!!   之前都介紹過印度椰子湯, 今次病病, 我地嚟個加強版!!!  印度椰子合掌瓜粟米栗子無花果川貝豬肉湯 材料: 印度椰子 2個 合掌瓜 3個(今日得d細ge, 用3個, 如果有大個d, 2個就夠) 粟米 1條 栗子 1包 (約13粒) 無花果 2粒 川貝 2茶匙 豬"月展" 1舊 肉眼 1舊 <-好小可煲湯咁大堆頭   做法: 1. 湯煲煲3L水, 個煲最好高身d, 因為放完料你煲湯水量會升一倍 2. 粟米切件, 栗子同無花果洗乾淨 3. 刷乾淨印度椰子表皮後, 切條 4. 豬肉s跑活水待用 5. 川貝中碎佢磨成粉 6. 合掌瓜刷乾淨表皮後用滾切法切件 (最好切完即刻放落湯) 7. 湯煲水滾後全部料放晒落去, 大火滾15分鐘, 之後細火煲2個鐘就飲得, 咩調味都唔駛落 <-其實我只係落咗半煲水, 落完料煲完都仲咁滿, 呢煲湯堅係足料~! 其實今次唔止為米豬煲ge, 我同老公都要潤潤佢, 因為0個晚米豬嘔污糟張床仔, 跟埋我地响大床訓, 然後我地2個都奶晒野..... 明明我戴咗口罩訓ga ma........... 老公就頭暈同鼻水囉..... 而家d菌真係好勁.... 大家要保重身體呀~!!!   米豬豬最鐘意飲甜甜湯~ 仲甜甜咀咁笑, 同爸爸一樣樣  乖乖地飲晒佢呀~!! 快d好返呀~~~~ 煮食小貼士: 1. 冇我中碎磨粉0個個架生唔緊要, 只要你有菜刀同碗就OK, 用刀柄+個唔好太高身, 闊口d ge碗都有同樣效果, 記得碗下面墊塊厚ge濕毛巾卸力 2. 川貝清熱潤肺, 化痰止咳, 啱晒呢隻比舊痰kick住咳到嘔ge米豬喇 3. 印度椰子其實唔係平時d椰子咁硬ga咋, 自己响屋企都可以就咁用刀切開ga~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/