哥哥同細細係異卵雙生。雖然係咁，個樣愈來愈似，有時靠樣好難分辨。哥哥面圓圓，細細面長長。可以靠正面分辨，轉左唔同角度就難啲認。由於有唔同嘅照顧者，為免分唔到兩兄弟，餵完又餵，換完片又換，我地有分辨佢地嘅方法，亦都以防調轉佢地嘅貼身用品: - 一個叫大大，一個細細，容易叫 - 哥哥身形大啲，細佬細細粒 - 床上用品哥哥用'大'口仔，細細用青蛙仔    放條專用香腸係旁邊，容易分辨。試過細細瞓左哥哥個邊，扼到工人姐姐。 - 月亮大過星星，所以奶嘴哥哥用月亮，細細用星星 - 奶樽哥哥用大，細細用細。倒定室溫水，肚餓快手開奶餵，因為初生有時會同一時間肚餓 雖然兩兄弟愈來愈似樣，但我地已經唔駛靠呢啲方法分辨佢地。但係回想起當初我地諗嘅方法，真係幾搞笑。 我地著衫唔係成日著埋同色同款架﹗ 同色唔同款又得。。。 同款唔同色都得。。。 偶然著相同嘅衫就好有驚喜啦﹗   #新手媽媽歡迎俾意見 #交流嘅好處 fb.              哥哥細細 //小眼睛s看世界 ig.              cannyahn