提起泰國好多好似我地有嬰幼童的家長都會有所遲疑，對環境，食物，衛生情況等都有所擔心。所以可能大家係帶細B親子遊首選都會係日本，台灣等熱門地點。但其實泰國亦係一個不錯一家大細出遊的好地方。     今次先倒轉行程由華欣講起，上次我地去澳洲有參觀酒莊，今次黎泰國我地亦有參加華欣的酒莊 Hua Hin Hills Vineyard。   孖寶總係要跟住我地遊一d不一樣的行程，但這不是很好嗎? 其實旅行我成日都覺得去咩地方唔係最重要，同咩人一齊欣賞同細味沿途的風景先係最重要。         我一向真心欣賞孖爸呢d輕鬆自在的行程，唔會趕跑一些所謂的景點，畢竟帶住兩個小人唔到你唔寫意慢活，其實係想快都唔得…..LOL!         講返華欣酒莊原來前身係大象園，之後由2004年，酒莊老闆開始規劃種植grapes、釀造葡萄酒，酒莊以Monsoon Valley Wine最為聞名。     我地由華欣市區自己揸車過來，印象中好似around 30-40mins左右，如果唔係自駕嘅亦可以係Villa Market搭酒莊每天來回的收費專車入來。         我地自己開車在酒莊內四圍看，慢慢行下，亦可以join遊覽車帶大家遊莊園。不過因為我地5月去個陣唔岩season，見唔到全部都係grapes的壯麗，但就見到成地都係mango的情景。唉…..雖然我唔食得，但mango好像在香港都賣得唔平架，而佢地因為熱帶水果出產多，反而全部掉下來都無人理，為一眾mango食家感到好似好浪費咁。       酒莊可以比大人同小朋友一齊坐大象繞住酒莊行欣賞風光，我地遠遠都見到有人坐緊大象遊莊園呢！亦可以選擇feed大象，可能我地之前係曼谷feed 長頸鹿當天的情況實在太dirty，所以當我地問孖寶想唔想騎大象，兩個都異口同聲表示NO NO了!       遊完莊園，大家一定要去餐廳The Sala Wine Bar & Bistro用餐呀，呢間餐廳食物水準不錯，而且都係一些外國客人前來用餐的，環境同氣氛真的很不錯。絕對可以令人心情放鬆，有優閒自在的感覺，以食物水準同餐廳環境黎講，價格一D都唔算貴，可以話係CP值高呢。             因為孖爸要開車所以我地都無咩點品酒，只係叫咗一杯cocktail 試下，望過去見到好多酒得都有得獎呢！               因為我地行完酒莊，上餐廳個時咁岩下雨，我估如果好天氣係度用餐一定會感受更深啊！ 我覺得無論係情侶、朋友、定係好似我地咁一家大細，一話係想品酒嘅你都好岩黎呢度喔，遠離城市喧囂，比自己嘅身心靈真正來渡假！   參考資訊: 華欣葡萄酒莊 Hua Hin Hills Vineyard 電話：+ 66-81-701-0222 地址: Moo 9 204 Baan Khork Chang Patana Nong Plup, Hua Hin 77110, Thailand 網站：http://www.huahinhills.com/ Facebook Page：https://www.facebook.com/huahinhills/ 營業時間：9:00 am- 6:30pm 早餐供應時間：9:00am - 11:00am 餐廳服務：11:00am - 6:30pm   我和孖寶的Facebook Page: 荔枝與孖寶  我和孖寶的 Instagram IG#: laichimama   Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com