從來都唔主張買咁多野俾哥哥細細，因為始終小朋友大得快，好多野用一陣就唔需要。所以哥哥細細好多用品都係人地送，或者朋友二手轉贈。 我買嘅都係必需實用嘅，發覺每個月需要都唔同，買左啲嬰兒用品往往都只用幾個月。買之前真係諗過度過，唔係唔適用嘅時候，未搵到下手要，放係屋企，仲要double都幾頭痕。 唯有呢個cushion，我覺得幾實用。 本身呢個cushion係俾bb沖涼瞓係度享受浮嘅感覺，但呢啲浮誇野，點會日日用，唔驚佢地凍親咩，所以我地改左cushion嘅用途。 當佢地開始腰骨強壯啲，未識翻身前，我地就加個cushion俾佢地坐係梳化嘅角落，等佢地視野廣闊啲。 四個幾月嘅時候﹐已經開左張地墊俾佢地預備翻身，加個cushion俾佢地舒服瞓。 亦都係小睡嘅好幫手。 到加固嘅時候，我地嘗試先放哥哥細細落chusion，作為坐high chair 嘅過渡期。最緊要係攜帶方便，廳用完跟手攞入房，去朋友屋企又可以當私家坐墊，等自己雙手可以抖一抖。基本上呢樣野用到而家都用緊，攝喺啲罅隙最啱駛，使用期超長呀！   #新手媽媽歡迎俾意見 #交流嘅好處 fb.              哥哥細細 //小眼睛s看世界 ig.              cannyahn