《娜娜閱讀》 呢堆100層既故事係我同娜娜真心喜歡既繪本系列，雖然每一本故事大綱類同，但全部插圖都有驚喜，圖畫非常有創意和細緻，一版已經可以講好耐，一般特價後都60蚊內，性價比高 娜娜在每一本都認識好多新事物例如動物、天氣⋯甚至品德。 加埋圖畫好豐富，我自己會加插同娜娜玩尋找遊戲+記憶遊戲，所以再講多次—性價比高  一本可以睇好耐好耐  今日先分享《100層樓的家》 其實圖畫真係好仔細和有連貫性，講關於100層樓高的樓房裡面既情況，每十層為一種動物的住所，動物以擬人法表現所有生活情節，但仍然係動物樣同有動物特性，例如啄木鳥好似藝術家咁識得用嘴啄木既人像雕塑，另一邊廂啄木鳥媽媽就係度孵蛋，所以趣味性好高。 起碼透過呢本書，娜娜認識啄木鳥係生蛋，蛋需要媽媽孵化，佢地個嘴可以啄木食蟲⋯ 娜娜從小雞小企鵝野貓已練到好高境界既想像力+自言自語模式，所以佢最鍾意同裡面既動物溝通，經常角色扮演 語錄： -XX先生，請問你可唔可以借個氣球黎睇下？我想借黃色，自問自答繼續成個故事 -青蛙熟睡緊，我地要靜少少，媽咪我地唔好講野住，靜靜地行樓梯上去啦 -同動物講：請問可唔可以借把遮黎用下？之後個幾層會落雨，我好需要把遮。然後要我抱住佢扮開緊遮驚滴濕 然後無落雨幾層會收遮，去到睇完本書隻手仍然緊握一把無形既遮 唯一唔好係硬皮系列尺寸偏大，收藏不太方便。有見及此，出版商都推出迷你裝，因為每版圖畫挺多，可能迷你版的圖畫有點太細，家長可到書局或圖書館選擇取捨。 更多育兒Ｘ旅遊 Ｘ飲食 Ｘ繪本分享 可以到Facebookpage： https://www.facebook.com/Sistermama-2215243141826850/