香煎三蔬豬肉餅 同過為B 食飯就知道佢有幾唔鍾意食肉  除咗咕嚕肉之外 正常蒸肉餅 炒雞肉牛肉都唔食 我係覺得為B無牙力 唔肯咀嚼 一咬唔到就回吐  （女呀 女呀 你把口唔係只用呢駁嘴架！) 今次煎肉餅 香口野就好俾面食左好多塊  重點係因為用左免冶肉 軟身易咬開  仲加左紅蘿蔔 薯仔 秋葵 平衡下 等個肉餅唔會死實實 咁就得為B歡心啦❤️ 材料  免冶豬肉         100g 薯仔(刨絲)       1個 紅蘿蔔(刨絲） 半條 秋葵(切片）     2條 紅糖               1茶匙 鹽                  半茶匙 生粉               1湯匙 做法： 1.免冶豬肉加糖拌勻 備用 2.薯仔,紅蘿蔔刨絲 秋葵切片 加入豬肉中  3.所有材料輕輕搓勻,之後加入鹽同生粉拌勻 4.中火煎至兩面金黃並熟透更完成   #無牙力但勁駁嘴 #食多少少當幫忙 #阿媽我諗煮咩俾你諗到頭髮白 #聽到你話好好味真係心都甜埋 ------------------------------------------ 若果文中菜式岩你心水 或想留意更多小朋友餐單或食譜 可以讚好及追蹤為媽專頁 http://www.facebook.com/allaboutelyse