好多新手爸媽都好困惑，戴嬰兒/小朋友去旅行究竟點樣戴野食，野飲同用品 例一： 媽媽問：「人奶同冰種點算？」 天使媽：「手提形式攜帶，可以交比安檢人員作人手保安檢查」 例二： 媽媽問：「我小朋友有濕疹，但枝藥膏又過左100g/100ml」 天使媽：「只需要有小朋友名嘅藥物/藥膏，可以手提形式攜帶，或有醫生紙證明。 如果冇就要係離境前托運！ 或以不大於100ml嘅容器分裝好小朋友用嘅保濕cream,淋浴露，濕疹藥膏等⋯⋯。*不多於10枝，而且可以放得入不超於8吋乘8吋嘅密封式zip lock透明膠袋。」 例三： 媽媽問：「小朋友已經開始食粥仔，但我個保溫盅又過左100ml,咁戴唔戴得架？」 天使媽：「嬰兒食品可以戴架，但要視付飛去邊啦，如果短途戴1-2樽都可以嘅」 例四： 媽媽問：「我地去旅行個地方好多蚊蚊，我怕BB被蚊蚊咬，如果要戴驅蚊劑，點算？」 天使媽：「可以用電子驅蚊機或驅蚊手帶，但一定要戴驅蚊噴劑的話，就一定要分裝落唔過100ml嘅細樽仔啦。」 例五： 媽媽問：「我個小朋友要用交剪仔剪食物，但交剪會唔會又唔比戴？」 天使媽：「當然可以戴，但有限制架（要唔可以拆開嘅交剪仔，而且由交剪個支點位計算刀鋒唔可以長過6cm」 *溫馨小提示，如果怕小朋友哭鬧，可以戴個安撫奶嘴，減低小朋友因爲係高空影響耳仔不適，因為吸啜奶嘴時可以舒緩到氣壓架