東區醫院生產記提到HEY!魚媽第一胎由吊針催生直到HEY!魚B出世,係4小時內完成 ~~~~ 除左魚B好合作唔玩太耐之外,產前準備都好重要.. 醫院仲有評分比番我,今次生BB有10分..XDXD 今次想分享小小產前既運動,希望對黎緊準備順產既媽媽有幫助:) 本身我係超級怕痛怕辛苦既人..但係有左BB已經諗都無諗就揀順產...(好處大家都知,另外我好想試有幾痛 XXD) 魚爸係我懷孕初期已經叫我準備睇下D產前運動,穩定左就開始做下運動..等生BB既時候盡量痛小D.. 大住個肚好多運動都唔太0岩做,上網做下資料搜集,發覺上產前瑜伽都唔錯.. 有適當的運動量和伸展,對準媽媽同BB都有好處.. 最重要調節盆骨同加強分生bb時既氣力，希望縮短痛楚既時間。 做左搜集, 因為陀住bb唔想周圍迫,所以地點都好重要. 我16週開始join既就係「香港瑜伽舍」..點解會揀呢間呢? 除左地點(銅鑼灣)之外,時間表好彈性, 一星期有好幾日下午,晚上都有孕婦瑜伽.. 我自己比較鍾意下午上堂,可以避開銅鑼灣繁忙時間既人,做完瑜伽可以0係附近行下.. 呢到係可以先試堂$150一堂,覺得適合再join 10堂 :) 我無試堂就已經準備join 10堂 , 因為對我黎講 導師 好重要..(大肚做瑜伽WOR,,要安全嘛) 我好早就WHATSAPP問左詳細資料..知道教產前瑜伽既 導師 Billie LEE 係超級有經驗既.. 另外大肚小不免有時會有D唔舒服,可以4個月內完成10堂係好鬆動,用剩既堂仲可以轉產後既伸展瑜伽TIM :) 我成個孕期做左10堂瑜伽,4堂分娩球班(分娩球班=坐波波) , 分娩球好岩孕後期倣,坐波波好舒服 ,因為肚太大瑜伽有D媽媽會好攰..(每位媽媽情況不一) 不過因為我32週開始體力已經下降..連去街都困難... 就無去MISS LEE到做瑜伽同坐分娩球,但都好乖0係屋企坐分娩球架(唔好單獨自己做,要有屋企人陪呀) 孕後期我都有食芝麻糊,椰青水,綠豆沙等等..都係自己身邊做左媽媽既朋友介紹我食,有助生產!!大家可以參考下呀~!!! p.s 產後魚媽湊魚b之後.. 開始肩膀、腰背、坐骨神經痛...      之前剩左既堂miss lee 幫我轉左做伸展瑜伽 ..      跟導師jen tsang做左第一堂已經覺得鬆左好多..      佢知道我有腰背痛問題,好多動作都幫我手拉同埋一路睇住有冇做錯,,      產後如果有痛症都可以試下做瑜伽,因為好多時抱bb或者餵奶姿態唔正確都會成身痛架:(      http://www.hkyogastudio.org/ 有關預約試堂及查詢可whatsapp Ms. Billie Lee (mobile: 91416776)   聯絡我或產品試用:RUBY.1125@HOTMAIL.COM facebook page : @haileybabywhy (hey魚b之日常)