上次介紹喺淘寶買450蚊3人沙發引起好大迴響，如果大家Miss左可以係我既文章搵返！今次再下一城分享我為筋肉寶寶買既BB木圍欄同BB餐椅，依兩款物品係香港有好多選擇，不過價錢同淘寶實在差一大截，特別係圍欄：最近好流行既韓國出品差唔多賣到一二千，就係因為咁我就去淘寶發掘啦！    首先講BB圍欄，淘寶既BB圍欄有好多款，價錢由最平排到最貴：膠板款<木欄款<軟墊款  本身我想買膠板款，但諗深一層膠板邊始終比較厚，入面既活動空間就會更細，而且擔心塑化劑問題，所以木欄款就係我最終選擇既款式。   經過我左度右度搵到間單買比起成個架買更平既店，而且呎吋可以照自己屋企範圍去選擇，所以一定會岩自己屋企既擺位。最終我買左2塊110cm，1塊80cm同1塊80cm帶門口，咁四邊就係110乘80cm。淘寶BB實木圍欄Link   當我收到實物已經覺得幾好，全實木，仲有附送防滑膠貼！之後就出動老公幫手啦，砌完覺得比想像中更好，宜家筋肉寶寶十個月大成日都會扶住個欄企起身。睇到依度可以話比大家聽依個滿意度100分既實木圍欄盛惠人仔190蚊，運費下面再講講。    第二樣係BB餐椅，我睇左好耐搵到一個可以較高較低既BB餐椅。頁面有埋安裝影片，安裝非常容易，實物同圖一模一樣，依款粗用我覺得可以，但如果好追求完美我覺得就唔好考慮依款，依款BB餐椅盛惠人仔70蚊。淘寶BB餐椅Link 以下講運費問題，上次我係天貓官方香港站買嘢直送香港住宅地址，而今次就係集運處理，所以費用上會比直送貴少少嫁。集運係將貨運到大陸倉集合再運嚟香港既意思，由於今次係運重嘢既關係，所以我揀既集運商係專運大型貨物，依邊唔開名啦想知既請PM我。用依種集運有一個特色：貨夠多夠重，變相可以慳首重錢，只計續重費用，所以有唔少買淘寶傢俬既朋友會用到。    我今次集左大概20KG既貨送上門都係人仔300蚊，變相BB木圍欄同BB餐椅實際價錢都係加多DD，所以質素同價錢都成正比嫁！    你哋可能會問「我只係單純想買其中一樣，咁集運點搞呀？」 建議你哋搵用重量計費既集運去處理，但當中要知道會唔會有尺寸限制，如果有既就要問問淘寶店既客服包裝後既尺寸係幾多，如果無超出限制就一樣可以運返嚟啦！   預告篇：嚟緊會有家居裝修既文推出，想睇既朋友記住留意住我既專頁kylife&筋肉寶寶之日常既發佈呀！   筋肉寶寶養育記 - 最近熱文！！ 【筋肉寶寶養育記】大人要放電，BB都要放電！BB放電用品玩具大公開 【筋肉寶寶養育記】人奶媽媽當自強！綜合人奶問題集 【筋肉寶寶養育記】安撫初生寶寶攻略 【筋肉寶寶養育記】餵人奶的你準備好未？餵人奶必備用品List 【筋肉寶寶養育記】寶寶奇臭無比處處捉 【筋肉寶寶養育記】當媽後才知道的事！感謝母親的偉大！   我的分娩及懷孕過程- 最近熱文！！ 威院分娩記(上篇) 之 初次入院8小時被彈回頭 威院分娩記(下篇) 之 二次入院之28小時生仔過程 我的懷孕歷程 - 懷孕過程幾時要產檢?! 初中後期產檢大不同? 我的懷孕歷程 - 超級懶人版走佬袋 威院分娩住院記及寶寶留院記   我的瘋狂淘寶記- 最近熱文！！ 【我的優閒淘寶記】大型傢俬淘寶記！450蚊既三人沙發會係點樣 【我的優閒淘寶記】瘋狂淘孕婦嬰兒及家庭用品記?! 買足30磅有D咩?