上次試做了Pigeon嘅快速蛋糕， 今次再試埋佢嘅雪糕方塊， 特點係比其他雪糕低脂50％， 不含添加劑和防腐劑， 不過就一歲以上先食得。 有時Bella望住我地食雪糕但又無份食， 真係lur到我暈， 所以先揀左呢隻BB雪糕整比佢食， 不過我就唔會比佢食多嘅， 唔想佢上癮，唔食正餐， 間唔中天口熱就比佢過癮下咁啦！                   雪糕方塊有三個味， 我就試左兩隻味， 分別係香草牛奶及蘋果胡蘿蔔， 另外一種就係新出嘅南瓜番薯味。             每盒廿拎蚊，有兩包雪糕粉，同埋六格模具。 一包粉整到三格雪糕方塊。 做法： 將盒內附送嘅雪糕模分開一半，   將雪糕粉混合30ml牛奶攪勻約一分鐘，                     再將材料平均分在三個雪糕格內， 並封上保鮮紙。             放在冰格3小時，即可食用。 不過記得製作後72小時內就要食喇， 而我多數係上午整，下午比Bella食。             完成品質感係同大人食嘅雪糕一樣， 味道係好味嘅唔使擔心小朋友唔鍾意，     我就加埋D水果比Bella無咁寡， 不過佢完全唔知雪糕係會溶嘅， 食得慢，最後變左食奶昔囉。       ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY 媽媽經  親子日常