港安開刀生産記    呢篇文章 本來係歡歡出世之後冇耐我已經話打 想分享比身邊既SIS知歡歡出世既過程     㨂醫院: 其實早係拍拖時 因為我同歡爸試過係台南炒車 係荃灣港安睇過好多次醫生 覺得個度上至醫生 下至清潔姐姐都好有禮貌 同埋好細心 個時仲講笑同當時仲係男朋友既歡爸講: 如果第時我生仔 我都要係港安度生 當時佢仲回應我話: 你同我生仔先算啦   2017年 港安有個PROMOTION (好似話因為佢地岩岩裝修左 加左價) 所以有得FREE UP一個GRADE 既房   咁其實我地公司都好好 係港安度生 可以全單92折到9折 (視乎你㨂既房間種類) 可惜兩個優惠係不能同時使用 咁港安既selling point就係佢會推bb去你間房比你埋身餵奶 等你唔洗行黎行去 可以好好休息 家人黎探你 仲可以抱下bb 不另收費 (其他醫院係要收錢, 而且只有爸爸可抱) 呢個咁貼心既服務只限二人房 咁三人房呢就係係另一層 同BB唔同層 所以你要去睇BB或者餵奶 你都要上一層 最後我地就㨂左三人房UPGRADE去二人房 (冇用公司個折扣) 計番其實都係差二千蚊 係值得比既   好啦到戲肉 我係14/8 開刀既 咁佢個PACKAGE係可以前一晚就入院住一晚不另收???? 咁我就食完飯係屋企沖個靚涼 10點左右 歡爸就同我入院啦 入院手續都幾耐 搞搞下我可以休息時都差唔多11點 我就叫歡爸走 佢聽日一早又要黎過 咁個晚我都休息得好好 因為我地住二人房 隔離冇人 我一個人霸左成間房 直到生完第二日先有人入住隔離床   個朝約左九點做手術 佢叫我8點就要READY定著好晒手術袍 除晒所有BRA同UNDER 我好早就起左身 所以沖埋最後呢一次涼 洗埋最後一次頭 我就READY好 冇早餐食 因為手術前一晚開始空肚 8點幾就有姑娘推我入手術室 歡爸就一直陪住我 我地就係手術室門外等左一陣 歡爸仲想影相 點知比人話 XD 之後我就要自己先入手術室麻醉 醫生話麻醉大概係10分鐘 歡爸話佢最後等左成20分鐘 仲以為我咩事 有咩緊急野 嚇到佢死死下 咁打個支針 就係曲埋個身黎打既 啲人話好痛 我就覺得一般可以接受 咁之後呢我就冇左下半身感覺仲有啲WINGWING地 歡爸入黎之後 好快歡歡就係我肚度拎埋出黎 我最記得就係影左第一張全家幅 (有D樣衰唔POST出黎啦) 之後歡爸又出番去 我就留係度處理傷口 係呢個時間 姑娘已經幫歡歡抺左身 仲比歡爸剪埋臍帶 十點左右就搞掂晒 可以同歡爸一齊上房   開刀過程係完全唔痛     之後姑娘2點左右就抱歡歡比我地睇 仲幫我地影左張見得下人既全家幅 仲第一次埋身餵奶 第一次佢已經好叻 食左20分鐘 我見佢食到氣都喘埋 佢應該好努力咁食緊 我朋友比左個TIPS我 佢話BB出世頭幾日有儲存 佢只需要飲少少奶 所以佢叫我唔好比姑娘用樽餵佢 因為BB好醒 用慣左奶樽就唔肯啜你個乳頭 因為奶樽易食好多 所以我㨂左就算要補奶粉 都係用SPOON FEED 咁頭幾日佢都冇接觸過奶樽 呢個會令你既人奶路易啲行 多謝身邊有好多媽媽朋友 令我既人奶路順利   如事者 姑娘就會每隔兩小次左右推歡歡埋黎我推邊 比我埋身餵人奶 但係第一晚歡媽仲插住尿喉 未落得床 而推BB入房餵奶只會去到凌晨12點 所以第一晚佢要補奶粉   第二晚我落到床 已經健步如飛 可以自己去餵奶室餵奶 我就開始左第一個晚上的無眠夜了 好記得每一個凌晨 姑娘都好細心糾正我既餵奶姿勢 重點是要BB和媽媽都舒服 人奶路是漫長 所以要找個你自己覺得舒服的POST 泵奶都係 我發覺好多泵奶既媽媽冇HANDFREE BRA 令你泵奶個半個鐘好難過 但我一早就買了 個半個鐘 一邊玩電話一邊泵奶 啲奶都出得快啲嫁   就係咁樣不停餵奶 (7:00-0000 在床上餵) (0000-0700 到哺乳室餵) 過左呢5日4夜 因為BB成日食奶 成日係我身邊 好多親朋戚都同歡歡近距????接觸過 歡爸都戰戰兢兢咁抱左歡歡啦 番到屋企 冇左姑娘幫手 真係搞到我同歡爸手忙腳亂 所以媽媽們 好好享受你係醫院個幾日 好好爭取時間休息呀   比大家睇下歡歡第一日個樣已經好搞笑