冬甩一歲半用過兩個牌子，一隻韓國，一隻法國，都唔係針對濕疹嘅，現在轉用緊啱冬甩啲汗疹用來自美國嘅Babo燕麥牛奶洗髮沐浴露。 平時買護膚嘢畀冬甩用，都偏向揀選燕麥(Oatmeal )，因為有助對抗佢偶爾翻發嘅汗疹。最近發現呢隻Babo Botanicals 有燕麥牛奶(Oatmilk)系列，仲有Calendula 金盞花成份（有殺菌、消炎等作用）添。 第一次用嘅時候，有啲唔慣佢嗰種天然嘅味，應該係金盞花香味嚟，可能之前一路用開嗰啲嘅香味，好似人工精製過嘅香水味咁，反而比較容易接受。不過用落就好鍾意呢陣金盞花味，連無嗅覺嘅冬甩爸都有晚突然話阿女個頭好香。 剛剛weekend去完廸士尼酒店同樂園玩咗兩日，即刻出汗疹，又冇自備沐浴露，返到屋企即刻亡羊補牢，開冷氣、用返Babo沖涼、再揸濕疹潤膚膏。 使用小貼士：自從冬甩識行後都不能瞓喺度換片，轉用學習褲之餘，每次poopoo後都必須去浴缸沖洗屁股，為咗慳力要方便起泡，我將少量沐浴露加水倒落起泡瓶嚟用，一擠就係泡，唔使再加水起泡捽，沖水又快又乾淨啲，大家不妨試試用起泡樽。 Babo Botanicals 仲有以下產品，冬甩好鍾意沖泡泡浴，沖完又學媽媽搽cream，而家一齊用曬Babo系列！   冬甩冬薑媽媽全職照顧一家七口兩大兩小三隻貓，每日以女兒「食曬碗飯」為目標，不停鑽研新菜式，由昔日的「無飯」太太搖身一變成為煮到幾味嘅合格廚娘！  想知更多冬甩冬薑的日常趣事，歡迎 follow 【小貓奴冬甩冬薑】 Facebook 和 Instagram 喔！ www.facebook.com/gingerdonut ｜www.instagram.com/gingerdonuthk