最近好忙，忙到都無時間寫blog以記錄低照顧沙律B嘅點點滴滴！ 當沙律過左一歲，沙律媽媽嘅文章路線都改寫埋。 以往多數會寫關於嬰兒用品嘅文章，有以下幾類！ 床品，消耗品，身體護理，尿片，初嬰服飾，奶樽奶咀，加固工具，包巾睡袋，收納妙法。 除左以上，都有分享過育兒好物 [part I & part II]，以及癈物！ 但宜家路線改左，目前多數寫關於飲食同健康相關的！ 之前果幾篇介紹左儲涼湯水，止咳殺菌燉紫洋蔥同埋健康湯水！ 今次沙律媽媽要介紹下如果應該BB嘅便秘問題！   便秘，沙律媽媽相信好多加固嬰兒都會出現嘅問題！而沙律B都有便秘呢個問題，真心困擾！  沙律B一直都係奶粉B，通常都比較熱氣！坊間一直相傳薏米水，開奶茶，粥水等等可以解熱氣。 但沙律B從未飲過薏米水同粥水，但10個月左右開始飲余仁生開奶茶！    咁究竟點叫便秘呢？ 係未唔係日日都有得poo poo就叫便秘呢？  係沙律媽媽眼中，唔係日日有得poo 就係便秘！ 便秘都要睇poo poo 硬唔硬，同埋BB去得順唔順暢。 仲有poo poo時間不規律，同埋隔好幾日先poo一次 次次poo poo都肛裂，又有血絲，咁就真係便秘！    以上提及嘅種種，沙律B都出現曬。 仲因爲呢個問題而睇左2次醫生！ 沙律媽媽又長知識了！    話說，沙律B由6個月開始加固，4奶1固，轉埋2號奶粉！ 其實沙律B一直都有便秘問題，但不至於poo到出血，最多都係隔一日先poo一次，都未係嚴重！ 但去到沙律B第10個月，已開始2固3奶，沙律爸媽覺得便秘問題愈來愈嚴重！ 於是，初嘗余仁生開奶茶，有時當水飲，有時開奶用。我唔敢話唔work，但成效無想像中咁大！  除此次外，又俾勁多水沙律B飲，又食勁多生果！ 例如紅/白肉火龍果，奇異果，木瓜等等嘅潤腸生果，成效是有的，但仲未改善到便秘問題！    直到沙律B一歲，沙律媽媽又轉左3號奶粉，呢個階段就係沙律B便秘嘅顛峰時期！ 平均4-5日一次，次次poo到出血，見到都心痛。沙律B每次poo poo都已經會喊，因為恐懼！ 直到某日，沙律B 5日無poo poo但一直都想poo，只是poo poo硬到出唔到，一邊poo一邊喊！ Poo poo 出左pat pat 門口，但未poo 曬，已喊到癲左！   結果，沙律媽媽架起沙律B兩雙腳仔，助力幫佢poo Poo 到！ 仲見到沙律B個pat pat已經廝裂，仲有一pat仔鮮血！果一刻，沙律爸媽親眼見證，心痛到想喊！ Anyway，沙律B用左洪荒之力poo左之後，累到即時瞓左，仲全身冷汗。 沙律爸媽睇左嚿巨poo，又大又硬，大人poo都痛，更何況1歲嘅小B！ 自從果日 [沙律B當時13個月左右]，沙律爸媽開始正視問題！    首先，俾沙律B飲勁多水勁多水，例如普遍BB一日飲一樽，沙律B要飲2樽！ 除左飲水，仲煲湯水，什麼蘋果雪梨無花果羅漢果嘅飲品，全齊[舊文]！ 仲有，新加入左 prune juice，因為 prune 本身都係一種通便食品！ Prune Juice 好多超市都有得賣，沙律媽媽買左 Delmonte，1比1.5開水俾沙律B飲！ 做曬以上種種，已開始見到少少成效，至少唔使5日先poo一次！   除左飲品，生果都好重要，尤其是有籽果啲生果，如火龍果同奇異果等等！ 沙律B一直都好鐘意食生果，但總會有厭倦嘅時候。 為左增加佢對食排便生果嘅食慾，沙律媽媽唯有幾生果打成汁，再搵飲管飲，好彩都仲飲！ 漸漸地，紅/白肉火龍果都滿足唔到之後，就開始食麒麟果，即黃色火龍果！ 多數都係厄瓜多爾同哥倫比亞出產，聽聞排便比紅/白肉火龍果更好！ 因為麒麟果啲果籽最大粒，同埋三款火龍果中最甜同最貴，平時沙律爸媽都唔捨得食！ 真心貴，最貴買過 HK$78/個，最平HK$58/個，如果唔係沙律B，沙律都無機會食！ 但坦白講，麒麟果太甜，甜到好飲糖水咁，沙律媽媽都唔多好！ 除左飲水，Prune Juice，食生果，仲日日都要俾佢食綠色蔬菜！ 由於沙律B超鐘意食西蘭花，家中嘅工人姐姐都會prepare定俾沙律B。 沙律B係可以一次過食4-5嚿，有時會食菜心，唔可以獨孤一味！ 另外，沙律媽媽都買左益生菌俾佢開奶飲，最主要想增加腸道益菌，加速腸道蠕動。 買之前，沙律媽媽都做左少少research，見testingmama測試完，覺得Biostime最好，所以都買左！ Biostime 好多地方都有，沙律媽媽喺萬寧買，因為間唔時都會promotion！ 沙律B到目前為止，一日飲一包，暫時飲左2盒左右！ 沙律B個兒科醫生講過，益生菌對於將爛poo poo變成靚poo poo就好work！ 但醫便秘，醫生就有保留，叫我地可以試，因為無壞處，同埋個個BB反應都唔同！ 另外，沙律B過左一1歲，都開始食 yoghurt，因為 yoghurt 都有益生菌，可以幫助腸道。 之前食過Little Freddie [唔使雪]！但 Little Freddie 太大包，次次都浪費好多！ 所以沙律媽媽轉左一杯杯果啲 [要雪]。 沙律B多數食日本DANONE，一田同AEON都有得賣，仲真心唔平，正價HK$44.5/pack [4小杯]！ 沙律媽媽都試過，味道唔錯，偏酸，唔甜，似 Greek Yoghurt ！ 除左DANONE，都有買過一次 Pepper Pig [太甜]，同埋 Little Yeos！   *Photo copied from Pepper Pig's UK website 所有沙律B入口嘅食品，沙律媽媽都試過！本人鐘意 Little Yeos，因味道同Greek Yoghury接近！ *Photo copied from Little Yeos' UK website 而 Pepper Pig 太甜，唔太想小朋友咁早接觸太甜食品！ Pepper Big 可以喺一田買到，百佳都見過。Little Yeos 要大百佳先有，但成日無貨。 除左以上種種，沙律爸媽都同沙律B去見兒科醫生 [一直跟進開] 同醫生講左情況！ 醫生都話嬰兒便秘好常見，而沙律B是中度嚴重 ！ 而沙律爸媽俾沙律B食嘅通便產品都非常好，而且都算天然，但就好睇BB本身！ 醫治嬰兒便秘，喺西醫角度，就係俾佢食痛輕瀉程度嘅藥！  第一次見醫生時，醫生開左乳果糖俾沙律B。 乳果糖進入胃腸道後唔會被人體消化吸收，直接到達大腸。 仲要係腸道內迅速增殖雙歧桿菌嘅益生菌增生劑，刺激腸道蠕動、增加糞便濕潤度！ 簡單啲講句，即是可以通便！ 但醫生講明，有啲BB食完都無料到，沙律B就係食完都無咩料到！ 而醫生亦有補充，如果食完乳果糖，情況都無改善，又係poo到出血，就要考慮塞藥！ 通常塞完10至20分鐘都會poo到！結果，沙律B睇第二次醫生時，醫生都開左！ 本身都打算俾沙律B用，當沙律爸媽想用果日，沙律B即有poo poo，所以都無用到！ PS: 藥房有甘油條賣，好多人都話work！ 而沙律爸媽都更加著重解釋沙律B做便秘問題！ 大大話話都試左唔少食品，沙律B最 work 嘅就係 Prune，所以沙律爸媽買左好多 Prune 產品！ 除左 Prune Juice，沙律爸爸喺一田買左 Prune 乾果，聲稱 Organic，沙律B超鐘意食！ 呢款 Prune 嘅皮比較硬，所以沙律媽媽次次都要搵較剪剪開層皮，用羹刮啲果肉俾沙律B！ 沙律B次次都食到3-4粒，仲勁鐘意。沙律媽媽無日日俾，隔2日左右食3-4粒！ 除左以上兩種 Prune 產品，沙律媽媽都買左organic prune 果蓉！ 好彩有做開代購，買野都知窿路，千里迢迢喺美國 order 左 HappyBaby prune 果蓉！ 香港相對比較少見，好彩沙律B又幾鐘意食，同埋幾 work！ 一包成3.5oz，好大包，次次沙律B都唔可以一次過食曬，要分2轉，呢個就係喞喞裝嘅好處！ 做左以上咁多野，仲未夠，由於之前懷疑3號奶粉累事，沙律B已轉番用牌子1號奶粉！ 同埋早餐都開開始轉食麥皮加鮮奶 [建議一歲打後]，同埋食麥皮，Cereal Puff。 鮮奶，沙律媽媽跟朋友，飲羅士純，法國製造，百佳有售！ 牛欄牌，沙律嫲嫲英國買的，香港唔知有無！ Organics Cereal Puff 就食 Organix，一田有售！ 但沙律B食左一段時間又厭左，沙律媽媽又要諗計仔！ 最近，沙律爸爸建議沙律B開始吸DHA，因為唔係日日都食魚，食多啲DHA對腦部發展好好！ 再者，腸道有油份，poo poo 都會易啲！ 用法非常簡單，食飯時，滴食粥仔/飯仔，拌勻就可以！   為左沙律B條腸，沙律爸媽真係做左好多好多功夫，好彩都有成效！ 呢排沙律B有時日日都有poo poo，有時隔日，雖然便秘問題未解決，至少沙律B都有所出先啦！   沙律B飲左益生菌都有一段時間，沙律爸媽打算停一停，但會買乳果糖！ So far，沙律爸媽只搵到 Abbott 有，亦都會買俾沙律B試，希望可以幫助到！ https://www.duphalac.com.hk/ *photo copied from Abbott website   嬰兒用品系列︰ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩！ 自家製系列︰ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 其他忙碌日常︰ 加固系列の嬰兒可以食咩零食？！